ASNN – Pas disa javësh me humbje, korçaret e volejbollit rikthehen te fitorja. Por këtë herë suksesin e tyre e kanë pasur të lehtë, sepse kanë pasur përballë Elbasanin e vendit të fundit. Në pallatin e Sportit “Tamara Nikolla” të Korçps është luajtur ndeshja e fundit e javës së 10-të mes vendasve dhe elbasanaseve, një takim që në fakt ka pasur histori vetëm në setin e parë të takimit. Madje seti i parë ka qenë dramatik dhe i ekuliburar deri në pikët e fundit.

Për t’u veçuar është se korçaret e nisin mirë dhe kryesojnë deri në rezultatin 11-7. Këtu korçaret e rrjetës hutohen dhe Elbasani shënon 6 pikë radhazi duke çuar rezultatin në 11-13. Më pas loja bëhet edhe më interesante, teksa shkon për pikë dhe duke u barazuar shumë herë. 16-16, 20-20 dhe 24-24, kanë qenë disa nga pikët e këtij seti, ndërkohë që janë dashur dy pikë shtesë për të vendosur fituesin e këtij seti. Vendaset janë teguar më të sakta dhe e fitojnë setin e parë 26-24.

Pas këtij momenti duket se Elbasani dorëzohet dhe, pavarësisht se përpiqet edhe në setin e dytë të bëjë ndoshta surprizën, nuk ka forcë për ta bërë një gjë të tillë. 7-4, 13-8, 19-16 janë disa nga rezultatet e këtij seti, por që në fund Skënderbeu nuk fal dhe e mbyll setin 25-20. Seti i tretë është thjesht një formalitet dhe korçaret kryesojnë bindshëm nga fillimi në fund dhe e mbyllin 25-16. E kësisoj ndeshja është mbyllur 3-0 pastër për Skënderbeun.

Me këtë fitore Skënderbeu i është larguar vendit të fundit dhe është bashkuar me Lushnjën në renditje me nga 8 pikë secila. Elbasani vazhdon të mbyllë tabelën e klasifikimit dhe dje, edhe pse kishte mundësi ta bënte, nuk ka mundur të marrë një set në Korçë.

Skënderbeu – Elbasani       3-0

(26-24, 25-20, 25-16)

Skënderbeu: Shahu, Grabocka, Beshiri, Demiraj, Dallas, Mujo, Busho (L) / Jatagani, Nastaz, Xhevat, Hasaj. Trajnere: T. Marash

Elbasani: Zhorda, Garunja, Shadini, Kokuja, Poroçani, Beshiri, Gjeli (L), Bello (L) / Xhufka, Kotorri, Peqini Trajnere: R. Garunja

Gjyqtarë: E.Zenullari, Ko.Gjoka (Tiranë)

Kampionati Kombëtar

i Volejbollit – Femra

Grupi A1

Java e 10-të

(25-28 shkurt 2017)

Të shtunën:

Vllaznia – Teuta                   1-3

Tirana – Barleti Volej           0-3

Partizani – Lushnja             3-0

Të martën:

Skënderbeu – Elbasani      3-0

Renditja

Nr.       Skuadra         N.        F.         H.        Setet               Pikë

1. Barleti Volej   10        10          0        30-4                29
2. Teuta              10          8          2        27-10              24
3. Partizani        10          7          3        24-12              22
4. Tirana             10          5          5        19-16              16
5. Vllaznia         10          5          5        17-20              13
6. Lushnja         10          3          7        12-23                8
7. Skënderbeu  10          2          8        10-25                8
8. Elbasani        10          0        10          1-30                0