Skënderbeu në volejboll për femra ka “betonuar” vendin e tretë në renditje, ndërsa dje ka befasuar me atë fitore në Durrës përballë Teutës vendëse. Korçaret e kanë nisur mirë ndeshjen, ndërsa kanë fituar setin e parë 19-25.

Në të dytin, në një luftë pa kompromis mes ekipeve, është Teuta që fiton në pikët shtesë 28-26. Dhe duket sikur skuadra e Jazenxhiut ka marrë frymë, sepse arrin të fitojë setin e tretë 25-18.

I katërti mes dëshirës për ta mbyllur shpejt ndeshjen Teuta, apo dhe Skënderbeut për ta çuar në finale, ka anuar nga korçaret. Kanë fituar 28-26 dhe më pas kanë arritur të marrin dhe setin e 5-të e të ikin nga Durrësi me dy pikë të çmuara.

Ajo që mund të thuhet tani është fakti se tre skuadra si Partizani, Vllaznia e Teuta luajnë për një vend në “play-off”, sepse Barleti Volej, Tirana dhe Skënderbeu duket se i kanë fituar pozicionet e tyre.

Teuta – Skënderbeu                                    2-3

(19-25, 28-26, 25-18, 26-28, 10-15)

Kampionati Kombëtar

i Volejbollit – Femra

Grupi A1

Java e 8-të

(20-21 shkurt 2016)

Të shtunën:

Barleti Volej – Elbasani                  3-0

Vllaznia – Partizani                         3-0

Flamurtari – Tirana                          0-3

Të dielën:

Teuta – Skënderbeu                       2-3

Renditja

Nr.       Skuadra         N.        F.         H.        Setet               Pikë

1. Barleti Volej 8          8          0          24-1                24
2. Tirana 8          7          1          22-3                21
3. Skënderbeu 8          6          2          18-10              16
4. Partizani 8          4          4          12-15              12
5. Vllaznia 8          3          5          12-15              10
6. Teuta 8          3          5          12-16              10
7. Elbasani 8          1          7          4-21              3
8. Flamurtari 8          0          8          1-24              0