ASNN – Skënderbeu e ka nisur në mënyrën më të mirë këtë kampionat të ri kombëtar, teksa ka mposhtur dje në Korçë, Vllazninë me rezultatin 3-1. Ka qenë një nisje e mirë për korçaret, pasi mund të themi që nga Skënderbeu janë larguar më shumë se katër lojtare titullare dhe përbërja e tanishme është krejtësisht me vajza të reja dhe me trajnerin e ri, Romeo Xega.
Ndeshja ka qenë e bukur dje në Pallatin e Sportit “Tamara Nikolla”, teksa ka pasur rreth 500 tifozë të pranishëm. Korçaret, me moshën më të re të gjitha ekipeve të këtij sezoni, në dy setet e para tregohen më të sakta, ku vlen të theksohet loja në grup. 25-20 dhe 25-15 janë rezultatet e dy seteve të para, ndërkohë që në setin e tretë ndihet lodhja e vendaseve dhe shkodranet përfitojnë duke e fituar këtë set 25-17.
Seti i katërt i ndeshjes komandohet nga fillimi deri në fund nga volejbollistet korçare që e fitojnë 25-21 dhe krejt takimin 3-1.
Skënderbeu – Vllaznia 3-1
(25-20, 25-15, 17-25, 25-21)
Skënderbeu: Bego, Kole, Grabocka, Nasto, Male, Dhimitri / Potomi, Demiraj, Zguri, Kita, A. Bego. Trajner: R. Xega
Vllaznia: Gjelaj, Molla, Picaku, Peteza, Zhivani, Koçeku / Doda, Bujaj, Vistakaj. Trajnere: S. Goga
Gjyqtarë: N. Dervishasani, A. Agushi (Elbasan)
Kampionati Kombëtar
i Volejbollit – Femra
Java e parë
(11 tetor 2014)
Skënderbeu – Vllaznia 3-1
Flamurtari – Partizani 0-3
Tirana – Studenti 3-0
Teuta – Barleti Volej 1-3
Renditja
Nr. Skuadra N. F. H. Setet Pikë
- Partizani 1 1 0 3-0 3
- Tirana 1 1 0 3-0 3
- Barleti Volej 1 1 0 3-1 3
- Skënderbeu 1 1 0 3-1 3
- Teuta 1 0 1 1-3 0
- Vllaznia 1 0 1 1-3 0
- Flamurtari 1 0 1 0-3 0
- Studenti 1 0 1 0-3 0
