Tirana e ka nisur shpejt setin e parë ndaj Partizanit në volejboll për femra, ndërsa ka kryesuar deri në 5-0. Këtu Tarja merr pushimin e parë, por Tirana nuk lëshon, ndërsa udhëheq 8-4, 12-11, 16-14, 21-17, 22-20 dhe në fund e merr setin 25-23. Edhe në të dytin Tirana është në epërsi në pushimin e parë teknik 8-4. Por Partizani ka kthyer në 10-11 dhe udhëheq 10-13, 12-16, 18-20, 20-22 e merr setin 22-25.

Në të tretin Tirana e ka nën kontroll lojën 8-6, 16-12, 16-14, 18-14, 19-18 e në fund 25-21. Përmbyset situata në setin e 4-t që e merr Partizani 17-25 dhe me të njëjtin ritëm është dhe në setin final. 6-15 dhe 2-3 për të kuqet e Roland Tares. Shënuesja më e mirë e ndeshjes është Ergysa Blloku e Partizanit, me 22 pikë, e ndjekur nga Jona Gjokuta (Sallaku) e Tiranës dhe Esmeralda Tuci e Partizanit, me nga 14 pikë secila.

Më pas kanë vijuar Joana Kushi e Tiranës, me 13 pikë, dhe Klejda Shkurti e Tiranës me 12 pikë. Në bllok ka dalë fituese Tuci e Partizanit me 6 mure të suksesshme, ndjekur nga Kushi e Tiranës dhe Pirra dhe Ortega të Partizanit me 3 të tilla. Në shërbim ka dalë fituese Shkurti e Tiranës dhe Matraku e Partizanit, me nga 3 rezultativë. Në total, në 3 sete, Tirana ka shënuar 105 pikë prej të cilave 70 pikë vetë.

Kurse 35 pikë, me një mesatare shtatë pikësh për sete, kanë ardhur nga gabimet e Partizanit. Në krahun tjetër, në 5 sete, Partizani ka shënuar 109 pikë, prej të cilave 85 pikë vetë, kurse 24 pikë kanë ardhur nga gabimet e Tiranës, që dje ka qenë e pafat. Për protesta janë ndëshkuar me kartonë të verdhë trajneri i Tiranës, Adrian Gorenxa, dhe trajneri i Partizanit, Roland Tarja

Tirana – Partizani                             2-3

(25-21, 22-25, 25-21, 17-25, 6-15)

Tirana: A. Hoxha, Sejfullai (L), Paloka (Shkurti), Kushi, Xhixha, Gjokuta (Sallaku) / Shira, Ahmetaj, Kokonozi (Hoxha). Trajner: A. Gorenxa

Partizani: Matraku, Shehu (L), Blloku, Meçorapoj, Tuci, Melisa Ortega Romano, Pirra / Kole. Trajner: R. Tarja

Gjyqtarë: E. Preka, Ç. Kojku (Tiranë)

Kampionati Kombëtar

i Volejbollit – Femra

Grupi A1

Java e 12-të

(17-18 mars 2017)

Të premten:

Vllaznia – Elbasani             3-1

Të shtunën:

Skënderbeu – Lushnja       1-3

Teuta – Barleti Volej            2-3

Tirana – Partizani                2-3

Renditja

Nr.       Skuadra         N.        F.         H.        Setet               Pikë

1. Barleti Volej   12        12          0        36-6                34
2. Teuta              12          9          3        32-13              28
3. Partizani        12          9          3        30-14              27
4. Tirana             12          6          6        24-19              20
5. Vllaznia         12          6          6        20-24              16
6. Lushnja         12          4          8        15-27              11
7. Skënderbeu  12          2        10        11-31                8
8. Elbasani        12          0        12          1-36                0