Partizani ka fituar me Flamurtarin, por e ka zgjatur ndeshjen në mënyrë të pakuptimtë edhe sepse i kishte të gjitha shanset për ta fituar atë thellësisht 3-0. Sepse edhe në kushtet kur vlonjatet kanë marrë një set, të dytin e kanë fituar 22-25, tre setet e marra nga Partizani me të njëjtin rezultat 25-10 tregojnë për diferencat e mëdha që kanë pasur të dy skuadrat.

Por nëse ka ndodhur që të kuqet e Roland Tares kanë humbur një set kjo ka ardhur edhe nga fakti se ka aktivizuar dhe lojtaret e stolit, të cilat janë pjesë e të rejave, por që ende nuk mund të mbajnë peshën e të rriturave. Megjithatë Partizani ia ka dalë dhe synimi kryesor, të paktën edhe sipas Tares, është ndeshje me Teutën dhe fiksimi në katërshen e parë të renditjes.

Që do të thotë më vonë pjesëmarrje në “play-off”. Pikëshënuesja më e mirë e ndeshjes ka qenë Çaushaj e Flamurtarit me 14 pikë, pasuar nga Shaba e Partizanit me 9 pikë, si dhe Shehu e Xhaferraj të Partizanit e Isakaj e Flamurtarit me 8 pikë. Në bllok ka dalë fituese Isakaj e Flamurtari me tre fituese ndjekur nga Reka, Shehu, Xhaferraj të Partizanit me dy të tilla.

Në shërbim është dalluar Meçorrapoj e Partizani me katër fituese pasuar nga Shaba e Partizanit dhe Mezinaj e Flamurtarit me tre. Në total Partizani në katër sete ka realizuar 97 pikë prej të cilave 64 vetë, kurse 31 pikë kanë ardhur nga gabimet e vlonjateve. Në krahun tjetër Flamurtari në total kishte 55 pikë prej të cilave 35 pikë i realizoi vetë, kurse 20 pikë kanë ardhur nga gabimet e të kuqeve.

Ajo që duhet evidentuar është fakti se Partizani-Flamurtari ka nisur me një orë vonesë, pra jo në ora 13:00 që ishte në kalendarin e Federatës Shqiptare të Volejbollit, por në ora 14:00…

Partizani – Flamurtari           3-1

(25-10, 22-25, 25-10, 25-10)

Partizani: Reka, Shehu, Shaba, Meçorrapoj, Xhaferraj, Kaçani, Shera (L) / Agolli (L), Goxhaj, Balla, E. Agolli. Trajner: R. Tarja

Flamurtari: Çaushaj, Mezinaj, Isakaj, Petritaj, R. Isakaj, Mali (L) / Tafili. Trajner: T. Driza

Gjyqtarë: K. Husi, E. Pishtari (Tiranë)

Kampionati Kombëtar

i Volejbollit – Femra

Grupi A1

Java e 6-të

(5 dhjetor 2015)

Barleti Volej – Vllaznia        3-0

Elbasani – Teuta                  0-3

Partizani – Flamurtari          3-1

Skënderbeu – Tirana          0-3

Renditja

Nr.       Skuadra         N.        F.         H.        Setet               Pikë

1. Barleti Volej 6          6          0          18-0                18
2. Tirana 6          6          0          18-0                18
3. Skënderbeu 6          4          2          12-8                11
4. Teuta 6          3          3          9-10              9
5. Partizani 6          3          3          9-11              9
6. Vllaznia 6          1          5          6-15              4
7. Elbasani 6          1          5          4-15              3
8. Flamurtari 6          0          6          1-18              0