ASNN – Lushnja vijon jo vetëm të fitojë në nivelin e dytë të Kampionatit Kombëtar të Volejbollit për Femra, që njihet si grupin A2, por edhe të mos humbasë asnjë set.
Këtë gjë e ka bërë dhe dje në mesditë në sallën Nr.2 të Pallatit të Sportit “Asllan Rusi” ndaj Dinamos.
Diferencat janë të dukshme që në setin e parë, kur lushnjaret kanë fituar 25-13. Në setin e dytë ka përpjekje nga dinamovitet për të rivalizuar.
Por në fund Lushnja përsëri fiton 25-23. Në të tretin Dinamo është krejtësisht e dorëzuar dhe Lushnja fiton 25-14 e krejt ndeshjen 3-0.
Dinamo – Lushnja 0-3
(13-25, 23-25, 14-25)
