ASNN – Niveli i parë i Kampionatit Kombëtar të Volejbollit për Femra, që njihet si Grupi A1, i ka luajtur dje të 4 takimet e javës së tij të 5-të, që ka vijuar në traditën e javës paraardhëse, pasi 3 prej këtyre ndeshjeve janë mbyllur me të njëjtin rezultat, 3-0.

Kështu, në 3 sete Tirana ka mposhtur Vllazninë në kryeqytet, ndërsa kanë fituar në fushë të huaj Teuta dhe Barleti Volej, që fituan përkatësisht në Korçë ndaj Skënderbeut dhe në derbin e kryeqytetit ndaj Partizanit.

Përjashtim ka bërë vetëm takimi i Vlorës, ku Flamurtari vendas ka vuajtur dhe vetëm në 5 sete arriti të mposhtë Studentin. Tirana vazhdon të kryesojë me bilanc të përkryer, pas 5 fitoreve me rezultatin 3-0 në po aq ndeshje.

Kampionia në fuqi, Barleti Volej, ndan kreun me vajzat bardheblu, por renditet e dyta, pasi ka lëshuar një set të vetëm në këto 5 javë, ndërsa 3 pikë më prapa është Partizani, kurse Teuta renditet e katërta me 9 pikë.

Kampionati Kombëtar

i Volejbollit – Femra

Grupi A1

Java e 5-të

(8 nëntor 2014)

Flamurtari – Studenti          3-2

Skënderbeu – Teuta           0-3

Tirana – Vllaznia                  3-0

Partizani – Barleti Volej      0-3

Renditja

Nr.       Skuadra         N.        F.         H.        Setet               Pikë

1. Tirana 5          5          0          15-0                15
2. Barleti Volej 5          5          0          15-1                15
3. Partizani 5          4          1          12-4                12
4. Teuta 5          3          2          10-6                9
5. Skënderbeu 5          1          4          4-13              3
6. Vllaznia 5          1          4          4-13              3
7. Flamurtari 5          1          4          3-14              2
8. Studenti 5          0          5          2-15              1