Kampionet janë sjellë si të tilla në fushë, ndërsa kanë luajtur ndeshjen e tyre më të mirë të këtij fillimsezoni duke zhvlerësuar të gjitha përforcimet që skuadra e trajnerit Tare kishte bërë. Barleti Volej ka qenë shumë e përqendruar në veprimet e saj. Organizimi perfekt i Xhekës, por dhe loja shumë e mirë e kapitenes Braho, Begos, Picakut dhe Haskut ka zhvlerësuar gjithçka të Partizanit. Është munduar Tuci, Kole dhe Matraku, por Partizani ka qenë shumë larg.

Në setin e parë Barleti Volej është gjithnjë në epërsi, 8-4, 10-4, 13-4, 16-10, 23-16 dhe në fund 25-16. Në të vetmin moment të lojës që Partizani ka qenë në epërsi ishte pushimi i parë teknik në setin e dytë, atëherë kur skuadra e Roland Tares ka kryesuar 8-5. Por vetëm kaq, Barleti Volej përmbys dhe 12-14, 13-16, 13-18, 17-20 dhe në fund 19-25. Seti i tretë ka qenë një zhvlerësim i plotë i Partizanit, ndërsa fundi 8-25 nuk ka nevojë shumë për koment. Përfundimisht 3-0.

Pikëshënuesja më e mirë e ndeshjes është Bego e Barletit Volejit, me 15 pikë, e ndjekur nga Braho e Barletit Volejit, me 13 pikë, si dhe Picaku po e Barletit Volejit, me 9 pikë. Në bllok ka dalë fituese Picaku e Barletit Volejit me 3 mure të suksesshme, kurse në shërbim Bego e Barletit Volej me 4 rezultative, e pasuar nga Gongo e Partizanit me 3 të tilla.

Në total në tre sete Partizani ka shënuar 43 pikë prej të cilave 27 pikë vetë, kurse 16 pikë kanë ardhur nga gabimet e kampioneve. Në krahun tjetër Barleti Volej në tre sete ka realizuar 75 pikë prej të cilave 63 pikë vetë, kurse 12 pikë kanë ardhur nga gabimet e Partizanit.

Partizani – Barleti Volej       0-3

(16-25, 19-25, 8-25)

Partizani: Gongo, Reka, E. Tuci, Shehu (L), Pira, Matraku, Kole / Sulko, Blloku. Trajner: R. Tarja

Barleti Volej: Hasku, Xheka, Braho, Picaku, Bego, Fagu (L), M. Tuci / Xhelilaj, Ligaj, Brati Trajner: H.Gurabardhi

Gjyqtarë: R.Kuka, G.Sakaj (Vlorë)

Kampionati Kombëtar

i Volejbollit – Femra

Grupi A1

Java e dytë

(7-11 tetor 2016)

Të premten:

Partizani – Barleti Volej                  0-3

Të shtunën:

Tirana – Elbasani                             ora 15:00

Skënderbeu – Teuta                                    ora 16:00

Të martën:

Vllaznia – Lushnja                           ora 14:00

Renditja

Nr.       Skuadra         N.        F.         H.        Setet               Pikë

1. Barleti Volej   2          2          0          6-0                  6
2. Partizani        2          1          0          3-3                  3
3. Teuta              1          1          0          3-2                  2
4. Vllaznia         1          1          0          3-2                  2
5. Skënderbeu  1          0          1          2-3                  1
6. Tirana             1          0          1          2-3                  1
7. Elbasani        1          0          1          0-3                  0
8. Lushnja         1          0          1          0-3                  0