ASNN – Ka qenë një ekuacion i thjeshtuar java e 3-të e grupit A1 të Kampionatit Kombëtar të Volejbollit për Femra, pasi të 4 skuadrat favorite për të siguruar vendin e tyre në “play-off”-in final për kurorën e më të mirëve, kanë marrë fitore identike, duke i mposhtur kundërshtarët e tyre në të njëjtën mënyrë, brenda 3 seteve.
Tirana e drejtuar nga trajneri Adrian Gorenxa ka fituar 3-0 në Vlorë ndaj Flamurtarit vendas, duke ruajtur bilancin e përkryer prej 100 % fitoresh në këto 3 javë të para, ku, për më tepër, nuk ka lëshuar asnjë set. Pas bardhebluve, vijnë dy rivalet e tjera kryeqytetase, kampionia në fuqi, Barleti Volej, dhe finalistja e mundur e sezonit të shkuar, Partizani.
Si universitaret e Hasan Gurabardhit, që fituan në 3 sete në Korçë ndaj Skënderbeut vendas, ashtu edhe të kuqet e Roland Tarjes, që fituan po në 3 sete në Shkodër ndaj Vllaznisë, kanë nga 9 pikë pas 3 javëve të para, me një setavarazh prej 9 setesh të fituara dhe një të humbur.
Ndërkaq, Teuta, e cila ka mposhtur në shtëpi Studentin me rezultatin 3-0, ka vendosur kandidaturën për t’iu bashkuar treshes së madhe në 4-shen finale, ndonëse me 3 pikë, durrsaket ndajnë vendin e 4-t, të 5-të dhe të 6-të me Skënderbeun dhe Vllazninë. Renditjen e mbyllin Flamurtari dhe Studenti, me 0 pikë pas 3 javësh.
Teuta – Studenti 3-0
(25-18, 25-14, 25-13)
TEUTA: Begiçi, S. Smalaj, Muka, Llupo,Gashi, Zakova, Dallupi, Borshi, H. Jahja. Trajner: E. Jazenxhi
STUDENTI: Meta, Alldervishi, Xhaferraj, Qoli, Luto, Muco, Murati, Brati, Zaralani. Trajner: A. Farka;
GJYQTARË: M. Kondakçi, C. Kojku
Vllaznia – Partizani 0-3
(20-25, 11-25, 17-25)
VLLAZNIA: Gjelaj, Molla, Peca, Bicaku, Koçeku, Doda, Visaraj. Trajner: S. Gogaj
PARTIZANI: Xhixha, Reka, Tuci, Xhaka, Shehu, Xhelilaj, Dedaj, Adolli, Saku. Trajner: R. Tarja
Flamurtari – Tirana 0-3
(6-25, 6-25, 11-25)
FLAMURTARI: Gjermeni, Sulko, Petriti, Iskaj, Çaushaj, Mehmeti, Mezinaj, Sulko, Malaj. Trajner: Th. Driza
TIRANA: E.Meta, Blloku, Matoshi, Thaka, Matraku, Pira, Vokrri, Hoxhaj, Agolli, Gega, Shehi. Trajner: A. Gorenca;
GJYQTARË: N. Dervishhasani, A. Agushi
Kampionati Kombëtar
i Volejbollit – Femra
Grupi A1
Java e 3-të
(25 tetor 2014)
Teuta – Studenti 3-0
Flamurtari – Tirana 0-3
Skënderbeu – Barleti Volej 0-3
Vllaznia – Partizani 0-3
Renditja
Nr. Skuadra N. F. H. Setet Pikë
1. Tirana 3 3 0 9-0 9
2. Barleti Volej 3 3 0 9-1 9
3. Partizani 3 3 0 9-1 9
4. Teuta 3 1 2 4-6 3
5. Skënderbeu 3 1 2 4-7 3
6. Vllaznia 3 1 2 4-7 3
7. Flamurtari 3 0 3 0-9 0
8. Studenti 3 0 2 0-9 0
