ASNN – Kombëtarja e volejbollit të femrave është rikthyer tek fitorja, ndërsa ka triumfuar përballë Izraelit në Ranana, thellësisht 3-0. Faza finale është tashmë një mundësi reale. Në fakt Izraeli ka rezultuar kundërshtari ku Martiri ka pasur mundësi të shohë dhe të lërë të luajnë më shumë dhe Rexhepin e Kushin, apo dhe Xhekën. Me përjashtim të një epërsie në setin e parë, 8-7 për Izraelin, e gjithë pjesa tjetër ka qenë për Shqipërinë.

13-16, 17-21 dhe përfundimi i setit të parë 18-25. I dyti ka qenë i gjithi nën udhëheqjen e Shqipërisë; 3-8, 9-16, 10-21 dhe në fund 16-25. Po kështu i treti; 5-8, 8-16, 8-21 dhe 14-25. Pikëshënuesja më e mirë e ndeshjes Bici me 19 pikë, ndjekur nga Malik me 13 pikë, si dhe Arjola Prenga 11 pikë. Në bllok është dalluar Jaloba dhe Malik të Izraelit me tre mure fituese, pasuar nga Bici dhe Arjola Prenga me dy.

Në shërbim me nga dy secila janë Stein dhe Jaloba të Izraelit, si dhe Arjola Prenga dhe Marina të Shqipërisë. Në përgjithësi një ndeshje e mirë e tonave, ndërsa fitorja qetëson të gjitha palët. Menjëherë pas pikës së fundit, ashtu sikurse kanë bërë dhe në Tbilisi, tek kampi i shqiptareve ka festë. Festë e cila ka nisur me valle shqiptare në mesin e fushës, për të vijuar me foto së të gjithë.

Shenja e shqiponjës nuk ka munguar nga lojtaret, kurse drejtuesit e Federatës Shqiptare të Volejbollit, Presidenti Erlind Pëllumbi, zëvendëspresidenti Dashamir Brari, sekretari i përgjithshëm Albens Vokopola dhe kryetari i komisionit të gjyqtarëve dhe vëzhguesve Konalsi Gjokat në shkallët e sallës sportive në Ranana kanë festuar me flamur.

Shkurt, festë shqiptare në Izrael, ndërsa vajzat kuqezi e kanë merituar fitoren e dytë të grupit të argjendtë të Ligës së Evropës.

Izrael – Shqipëri                    0-3

(18-25, 16-25, 14-25)

Izraeli: Dudockin, Stein, Jaloba, Lander, Malik, Marmen, Zilberman (L) / Kopilovitz, Gofer, Ganah. Trajner: Xh. Kukarini

Shqipëria: Bici, E.Tuci, Marina, Arjola Prenga, Thaka, Amarilda Prenga (Sijoni), Sejfullai (L) / Xheka, Rexhepi, Kushi, M. Tuci. Trajner: A. Martiri

Gjyqtarë: I. Vanji (Itali), T. Shaino (Izrael)

Liga e Argjendtë e Evropës

Volejboll – Femra

Grupi B

Renditja

Nr.       Skuadra         N.        F.         H.        Setet               Pikë

1. Austria           3          3          0          9-1                  9
2. Shqipëria       3          2          1          6-3                  6
3. Izraeli             3          1          2          4-7                  3
4. Gjeorgjia        3          0          3          1-9                  0