ASNN – Edhe niveli i dytë i Kampionatit Kombëtar të Volejbollit për Femra, që njihet si grupi A2, ka luajtur të shtunën dy takimet e javës së tij të parë, ndërsa, për shkak të tërheqjes së Dinamos dhe mbetjes me 5 skuadra, Divjaka ka qenë pushim për efekt kalendari.

Flamurtari e ka nisur mbarë sezonin në grupin A2, teksa ka fituar në shtëpi ndaj Mirditës në 3 sete. Vlonjatet, që kanë përforcime duke marrë vajza nga Elbasani, por në të njëjtën kohë edhe ndryshime në stol, janë pretendente për t’u ngjitur sezonin e ardhshëm një kategori më lart.

Fitore ka korrur në javën e parë edhe Korabi, që nuk ka gabuar në fushën e vet, duke mposhtur Apoloninë me shifrat 3-1. Vlonjatet dhe dibranet tanimë ndajnë kreun simbolik të renditjes, me nga 3 pikë, ndërsa pritet java e dytë për të parë futjen në lojë edhe të Divjakës.

Kampionati Kombëtar

i Volejbollit – Femra

Grupi A2

Java e parë

(1 tetor 2016)

Të shtunën:

Flamurtari – Mirdita              3-0

Korabi – Apolonia                3-1

Divjaka                                   pushim

Renditja

Nr.       Skuadra         N.        F.         H.        Setet               Pikë

1. Flamurtari      1          1          0          3-0                  3
2. Korabi                        1          1          0          3-1                  3
3. Apolonia        1          0          1          1-3                  0
4. Mirdita            1          0          1          0-3                  0
5. Divjaka           0          0          0          0-0                  0