ASNN – Krahas futbollit, Rrjeti i Radio-Televizionit Shqiptar po përcjell edhe emocionet e një tjetër sporti, volejbollit, Kampionati Botëror i të cilit po mbahet në Itali dhe tashmë është drejt fundit të fazës së dytë të ndeshjeve në grupe.
Në përfundim të kësaj faze, do të njihen edhe 4 skuadrat që do të vazhdojnë më tej në gjysmëfinale. Rrjeti i Radio-Televizionit ka sjellë të enjten në mbrëmje takimin midis Kinëz dhe Republikës Domenikane.
Kjo ndeshje është karakterizuar nga rivaliteti nga fillimi deri në fund, pasi amerikanoverioret kanë fituar setin e parë dhe të dytë, përkatësisht në shifrat 25-22 dhe 25-23, ndërsa aziatiket janë kundërpërgjigjur në dy setet e tjera.
Kina i ka fituar këto 2 sete me rezultatin identik, 25-23, si dhe setin e pestë, 15-12, dhe gjithë ndeshjen me rezultatin e përgjithshëm 3-2. Faza e dytë e grupeve mbyllet të premten, me dy ndeshjet e fundit, për t’ia lënë më pas radhën gjysmëfinaleve dhe finales së madhe të 12 tetorit.
