Federata Shqiptare e Volejbollit ka lajmëruar nëpërmjet një njoftimi zyrtar për të gjithë se për arsye teknike ndeshja e parë finale e të rriturave mes Barleti Volej-Tirana nuk do të luhet në ora 18:00, por në ora 19:00.
Në fakt arsyet teknike ka qenë një ndeshje e basketbollit për meshkuj mes Partizanit dhe Teutës, që në kalendarin e koshit ishte të premten në ora 18:00, kohë në të cilën do të duhej të luhej finalja e parë e titullit “kampion” për femra.
Edhe me ndërmjetësinë e administratorit të Pallatit të Sportit “Asllan Rusi”, Ardjan Yzeiraj, Partizani-Teuta është lënë në ora 17:00, ndërsa Barleti Volej-Tirana në ora 19:00.
