Në takimin e dy rivaleve kryeqytetas, është luajtur pikë më pikë deri në pushimin e parë teknik, që e sheh Barletin Volej në epërsi 8-7 ndaj Tiranës. Në shkëputjen e Barletit Volej 11-7, trajneri Gorenxa ka marrë pushimin e tij të parë, por skuadra bardheblu nuk reagon, ndërsa në pushimin e dytë teknik, Barleti Volej është sërish në epërsi 16-13. Më pas 21-20 dhe 22-20 edhe për të mos rrezikuar setin është momenti që Gurabardhi e Gorenxa marrin pushimet e tyre.

E në fund Barleti Volej fiton 25-20. Tjetër histori seti i dytë, që fillon me shpërthim që në fillim për kampionet, të cilat janë shkëputur në 5-1, 8-3, 16-8, 20-11, 20-13, 23-16 dhe në përfundim 25-16. Pa histori është dhe i treti që ka një përfundim të thellë për Barletin Volej, 25-12 dhe 3-0 e 9 pikë të plota për skuadrën e Hasan Gurabardhit në renditje pas tre javësh kampionat.

Pikëshënuesja më e mirë e ndeshjes është Braho e Barletit Volejit, me 15 pikë, e ndjekur nga Bego e Barletit Volejit, me 11 pikë, si dhe Picaku e Barletit Volejit dhe Shkurti e Tiranës, secila me nga 10 pikë. Në bllok ka dalë fituese Tuci e Barletit Volejit me 2 mure të suksesshme, kurse në shërbim është Braho e Barletit Volejit, me 5 rezultative.

Por edhe Bego e Barletit Volej e Shkurti e Tiranës me 4 rezultative, si dhe Hasku e Barletit Volej me 3 të tilla. Në total, në 3 sete, Barleti Volej ka realizuar 75 pikë, prej të cilave 59 pikë vetë, kurse 16 pikë kanë ardhur nga gabimet e Tiranës. Në anën tjetër, Tirana në 3 sete ka realizuar 48 pikë prej të cilave 34 pikë vetë, kurse 14 pikë kanë ardhur nga gabimet e Barletit Volejit.

Barleti Volej – Tirana           3-0

(25-20, 25-16, 25-12)

Barleti Volej: Braho, Xheka, Picaku, Hasku, Bego, Tuci, Fagu (L) / Xhelilaj, Celaj, Shabaku, Neli. Trajner: H. Gurabardhi

Tirana: Kokonozi (Hoxha), Gjokutaj (Sallaku), Sejfullai (L), Paloku (Shkurti), Kushi, Xhixha, Agolli / Shehi, Hoxha, Shira. Trajner: A. Gorenxa

Gjyqtarë: A. Shehu, K. Husi (Tiranë)

Kampionatit Kombëtar

i Volejbollit – Femra

Grupi A1

Java e 3-të

(15 tetor 2016)

Të shtunën:

Lushnja – Partizani             1-3

Barleti Volej – Tirana           3-0

Elbasani – Skënderbeu      1-3

Teuta – Vllaznia                   3-0

Renditja

Nr.       Skuadra         N.        F.         H.        Setet               Pikë

1. Barleti Volej   3          3          0          9-0                  9
2. Teuta              3          3          0          9-2                  8
3. Partizani        3          2          1          6-4                  6
4. Vllaznia         3          2          1          6-6                  5
5. Tirana             3          1          2          5-6                  4
6. Skënderbeu  3          1          2          5-7                  4
7. Lushnja         3          0          3          2-9                  0
8. Elbasani        3          0          3          1-9                  0