Dy skuadrat më cilësore të volejbollit të femrave sot në finalen e Kupës së Flamurit. As Teuta e as Partizani, dy skuadra që luajtën me hope, nuk i bënë dot ballë kundërshtareve.

Barleti Volej dhe Tirana, dy ekipet më cilësore dhe më të forta të volejbollit të femrave për sezonin sportiv 2014-2015, do të jenë përballë në një tjetër duel trofesh. Këtë herë do të luftojnë përballë njëra-tjetrës në finalen e Kupës së Flamurit, e cila do të luhet sot në ora 16:00.

Duke llogaritur fitoren në gjysmëfinalen e Kupës së Federatës nga skuadra e Gurabardhit, 3-0, apo dhe në kampionat, 3-1, peshorja është në anën e kampionëve në fuqi.

Megjithatë jo vetëm për lojtaret që ka në dispozicion, por dhe për shkak të përvojës dhe sigurisë që jep Amarilda Prenga, skuadra e Gorenxës nuk është për t’u nënvlerësuar. Që do të thotë se pritet të jetë një finale interesante.

Kupa e Flamurit

Volejboll – Femra

Gjysmëfinalet:

28 nëntor 2014:

Barleti Volej – Teuta            3-0

Tirana – Partizani                3-0

Finalja

29 nëntor 2014:

Barleti Volej-Tirana              (ora 16:00)