Barleti Volej e nis shpejt lojën, ndërsa shkëputet në 4-0, 8-5, 15-10, 16-10 dhe 25-17. Edhe të dytin e ka nisur mirë teksa ka kryesuar 8-6, 16-13, 18-15, 19-18 e këtu ndalet për një moment Barleti Volej. Durrsaket e kanë kthyer rezultatin në 19-21, 21-22. Por në fund kampionet reagojnë dhe fitojnë 25-22. E dukej sikur po shkonte gjithçka drejt një fitore 3-0.

Por nuk ndodh kështu, sepse Teuta përmbys 5-8, 10-13, 12-16, 12-18, 17-21 dhe në fund 17-25. I katërti ka nisur me epërsinë e vendaseve që kanë kryesuar deri në 8-4, 9-8, 12-9. Por durrsaket nuk lëshojnë “pe” dhe kthejnë në 13-14, 14-16. 20-19 për Barleti Volej, 24-22, por durrsaket kanë barazuar në 24-24 dhe në fund 24-26. Në setin final Barleti Volej është gjithnjë në epërsi, derisa pas gati dy orësh ka fituar 15-10 dhe 3-2.

Pikëshënuesja më e mirë e ndeshjes është Braho e Barletit Volejit, me 23 pikë, e ndjekur nga Matoshi e Teutës, me 20 pikë, si dhe Bego e Barletit Volejit, me 15 pikë e Begiçi e Teutës, me 14 pikë. Në bllok ka dalë fituese me 5 mure triumfues Picaku, e ndjekur nga Tuci e Barleti Volejit dhe Matoshi e Teutës me nga 3 secila. Kurse në shërbim, pa asnjë rivale, duke vendosur një rekord momental të sezonit, është Xheka e Barletit Volej me 9 rezultative.

Në total, në 5 sete, Barleti Volej ka shënuar 106 pikë, prej të cilave 86 pikë vetë, kurse 20 pikë kanë ardhur nga gabimet e Teutës. Në anën tjetër, në 5 sete, durrsaket kanë shënuar 100 pikë prej të cilave 68 pikë vetë, kurse 32 pikë kanë ardhur nga gabimet e kampioneve në fuqi, me një mesatare 6.4 pikë për set. Që është shumë për një skuadër si Barleti Volej.

Barleti Volej-Teuta                           3-2

(25-17, 25-20, 17-20, 24-26, 15-10)

Barleti Volej: Xheka, Fagu (L), Bego, Picaku, Hasku, Braho, Tuci / Brati, Ligaj. Trajner: H. Gurabardhi

Teuta: Gashi, Matoshi, Avdyli, Begiçi, Guza, Rexhepi, Muka (L) / Disha. Trajner: E. Jazenxhi

Gjyqtarë: E. Dusha, B. Gjuzi (Tiranë)

Ndihmës: A. Fortuzi, L. Bejko (Tiranë)

Kampionati Kombëtar

i Volejbollit – Femra

Grupi A1

Java e 5-të

(29 tetor 2016)

Të shtunën:

Lushnja – Skënderbeu       3-2

Elbasani – Vllaznia             0-3

Barleti Volej – Teuta            3-2

Partizani – Tirana                3-1

Renditja

Nr.       Skuadra         N.        F.         H.        Setet               Pikë

1. Barleti Volej   5          5          0          15-2                14
2. Teuta              5          4          1          14-5                12
3. Vllaznia         5          4          1          12-8                10
4. Partizani        5          3          2          11-8                10
5. Tirana             5          2          3            9-10                7
6. Skënderbeu  5          1          4            7-13                5
7. Lushnja         5          1          4            6-14                2
8. Elbasani        5          0          5            1-15                0