ASNN – Barleti Volej është shpallur fituese e Kupës së Flamurit në volejboll për femra, teksa në finalen e luajtur sonte në Pallatin e Sportit “Asllan Rusi” ka mundur pastër 3-0 Tiranën.
Përkundër asaj që pritej, vetëm në setin e parë ka pasur lojë të ekuilibruar, set të cilin kampionet në fuqi e kanë fituar me vështirësi 25-22. Më pas në të dytin dhe në të tretin kanë dominuar dhe kanë fituar përkatësisht 25-12 dhe 25-19 e të gjithë ndeshjen 3-0.
Kështu Barleti Volej arkivon edhe një tjetër trofe për sezonin 2014-2015, ndërsa përpara është Kupa e Shqipërisë, që fazën eliminatore e zhvillon në dhjetor, por universitaret po dominojnë edhe Kampionatin Kombëtar të Volejbollit për Femra.
Kupa e Flamurit
Volejboll – Femra
Gjysmëfinalet:
28 nëntor 2014:
Barleti Volej – Teuta 3-0
Tirana – Partizani 3-0
Finalja
29 nëntor 2014:
Barleti Volej-Tirana 3-0
