Kampionet në fuqi të rrjetës, edhe pse me vështirësi, ia kanë dalë të triumfojnë përsëri ndaj të kuqeve të Roland Tares. Kryesimi nuk cënohet. Barleti Volej e ka udhëhequr gjatë gjithë kohës setin e parë 8-6, 11-16, 16-12, 19-12 dhe në fund 25-15. Seti i dytë nis keq për Barleti Volejin që në shërbimin e parë dhe Partizani ka marrë menjëherë “frenat” e lojës në dorë; 1-5, 4-8, 11-11, 12-16, 16-19, 21-24. Madje Barleti Volej është afruar deri në 23-24 dhe pika e 25-të për Partizani ka ardhur pas gjuajtjes së Picakut jashtë.

Seti i tretë është me të njëjtat ngjyra e shifra si i pari, 25-15 për Barletin Volej. I katërti është luajtur pikë më pikë, Barleti Volej me dëshirën për ta mbyllur ndeshjen dhe Partizani për ta çuar në setin final. 7-8 për Partizanin në pushimin e parë teknik, 16-14 për Barletin Volejin në pushimin e dytë teknik, 17-16, 18-20, 23-22 dhe në fund 25-23 për Barletin Volejin dhe 3-1. Pikëshënuesja më e mirë e ndeshjes ka qenë Braho e Barleti Volejit me 21 pikë, e ndjekur nga Blloku dhe Esmeralda Tuci të Partizanit, me nga 15 pikë secila.

Në bllok ka dalë fituese Malvina Tuci dhe Çaushaj me 3 mure të forta, të ndjekura nga Braho e Picaku të Barletit Volej me dy të tilla, si dhe Matraku e Partizanit, po me dy. Në shërbim ka dalë fituese Braho e Barletit Volej me 6 rezultative, e ndjekur nga Matraku e Partizanit, me 4 të tilla. Në total, në 4 sete, Barleti Volej ka shënuar 98 pikë, prej të cilave 73 pikë vetë, kurse 25 pikë kanë ardhur nga gabimet e Partizanit, që kështu ka falur një set. Në anën tjetër, në 4 sete Partizani ka realizuar në total 78 pikë prej të cilave 54 pikë vetë.

Kurse 24 pikë, thuajse një set, kanë ardhur nga gabimet e Barletit Volejit, që kështu vetëm në dy sete që i ka fituar 25-15 ka arritur të dominojë mbi kundërshtarin. Në të tjerat, loja e kampioneve, megjithëse kanë fituar, ishte pa shkëlqim.

Barleti Volej – Partizani       3-1

(25-15, 23-25, 25-15, 25-23)

Barleti Volej: Xheka, M. Tuci, Bego, Fagu (L), Braho, Picaku, Çaushaj / Xhelilaj, Brati. Trajner: H. Gurabardhi

Partizani: Ortega, Blloku, Shehu (L), Reka, E. Tuci, Matraku, Pirra / Meçorapoj, Gongo. Trajner: R. Tarja

Gjyqtarë: I. Fështi (Tiranë), G. Zuna (Durrës)

Ndihmës: E. Papamihali, L. Nurçe (Tiranë)

Kampionati Kombëtar

i Volejbollit – Femra

Grupi A1

Java e 9-të

(18-19 shkurt 2017)

Të shtunën:

Teuta – Skënderbeu           3-0

Elbasani – Tirana                0-3

Barleti Volej – Partizani      3-1

Të dielën:

Lushnja – Vllaznia              ora 13:00

Renditja

Nr.       Skuadra         N.        F.         H.        Setet               Pikë

1. Barleti Volej   9          9          0          27-4                26
2. Teuta              9          7          2          24-9                21
3. Partizani        9          6          3          21-12              19
4. Tirana             9          5          4          19-13              16
5. Vllaznia         8          5          3          16-14              13
6. Lushnja         8          2          6            9-20                5
7. Skënderbeu  9          1          8            7-25                5
8. Elbasani        9          0          9            1-27                0