Kampionet në fuqi kanë lënë pushim Xhekën, Tucin dhe Picakun, e gjithë pjesa tjetër, me përjashtim të Begos dhe Brahos, vinte nga stoli. Kështu, Barleti Volej e ka mundur Skënderbeun në volejboll për femra me formacionin e dytë. Apo e thënë ndryshe me rezerva, ndërsa Gurabardhi ka vendosur të lërë pushim Xhekën, Tucin dhe Picakun.

Me përjashtim të Brahos dhe Begos, të gjitha të tjerat janë lojtare të stolit, që Gurabardhi i ka quajtur të atilla: “Kjo është skuadra e Barletit Volejit e vitit 2020”. Setet nuk kanë nevojë për shumë koment, sepse Skënderbeu në asnjë moment nuk ka bërë rezistencë.

25-14, 25-11, 25-13 dhe në përfundim 3-0, atje ku kampionet në fuqi kanë falur shumë për korçaret. Në total, në 3 sete, Barleti Volej ka shënuar 75 pikë, prej të cilave 63 pikë vetë, kurse 12 pikë kanë ardhur nga gabimet e korçareve. Në anën tjetër, në 3 sete, Skënderbeu ka shënuar 38 pikë, prej të cilave 20 pikë vetë, kurse 18 pikë kanë ardhur nga gabimet e Barletit Volejit.

Shënuesja më e mirë e ndeshjes është Braho e Barletit Volejit, me 9 pikë, e ndjekur nga Bego, po e Barletit Volejit, me 7 pikë. Në bllok ka dalë fituese Çaushaj e Barleti Volejit, me 3 mure të suksesshme, kurse në shërbim Xhelilaj e Barletit Volejit, me 3 rezultative e ndjekur nga Bego e Çelaj, po të Barleti Volejit, me dy të tilla

Barleti Volej – Skënderbeu             3-0

(25-14, 25-11, 25-13)

Barleti Volej: Veraj, Braho, Neli, Çaushaj, Xhelilaj, Fagu (L), Hasku / Bego, Brati, Çelaj, Ligaj. Trajner: H. Gurabardhi

Skënderbeu: Grabocka, Beshiri, Demiraj, Dallas, Busho (L), Jatagani, Mujo / Nastazi. Trajnere: T. Marash

Gjyqtarë: K. Agolli, I. Fështi (Tiranë)

Kampionati Kombëtar

i Volejbollit – Femra

Grupi A1

Java e 11-të

(6-11 mars 2017)

Të martën:

Elbasani – Teuta                              0-3

Të shtunën:

Barleti Volej – Skënderbeu                        3-0

Lushnja – Tirana                              0-3

Partizani – Vllaznia                         3-0

Teuta                                                  pushim

Renditja

Nr.       Skuadra         N.        F.         H.        Setet               Pikë

1. Barleti Volej   11        11          0        33-4                32
2. Teuta              11          9          2        30-10              27
3. Partizani        11          8          3        27-12              25
4. Tirana             11          6          5        22-16              19
5. Vllaznia         11          5          6        17-23              13
6. Lushnja         11          3          8        12-26                8
7. Skënderbeu  11          2          9        10-28                8
8. Elbasani        11          0        11          1-33                0