As gjysmëfinalja e dytë e Kupës së Shqipërisë në volejboll për femra, Tirana-Teuta, nuk sjell surpriza. Bardhebluve të trajnerit Adrian Gorenca u ka munguar Esmeralda Tuci, e cila në mënyrë shumë dinjitoze është zëvendësuar nga Agolli, që krahas Hoxhës, Pirrës, Shkurtit, Bllokut, Nezajt dhe liberos Sejfullai ka shkuar bukur në këtë asambël stoik të Tiranës. Madje skuadrës së Tiranë nuk i janë pakësuar fuqitë edhe kur ka pasur në fushë Llakën, Lasku, apo dhe Elma Metën.
Për Teutën, përtej ndonjë dëshirë, Begiçi e Guza vijojnë të jenë pak për skuadrën e Jazenxhiut. Në pushimin e parë teknik në setin e parë Tirana është në epërsi vetëm me një pikë diferencë 8-7. Më pas 14-10, 16-11, 18-13 dhe në fund 25-16. Seti i dytë i fituar nga Tirana 25-12 tregon më së miri diferencat mes të dy skuadrave. Në setin e tretë nga një epërsi e Tiranës, 8-3, ka një kthesë të Teutës në 15-16, por fundi është përsëri i bardhebluve, 25-20 dhe 3-0.
Pikëshënuesja më e mirë e ndeshjes Blloku i Tiranës me 14 pikë pasuar nga Shkurti e Tiranës me 12 pikë dhe Nezaj e Tiranës me 10 pikë. Në bllok janë fitues me nga një mur fitues Blloku i Tiranës, Lasku i Tiranës, Guza e Teutës dhe Avdiu i Teutës. Në shërbim, me 5 rezultative është fituese Hoxha e Tiranës, pasuar nga Pirra e Tiranës me tre rezultative dhe Disha e Teutës me dy të tilla.
Në total Tirana në tre sete ka realizuar 75 pikë prej të cilave 62 pikë vetë, kurse 13 pikë kanë ardhur nga gabimet e durrsakeve. Në krahun tjetër Teuta në tre sete ka realizuar 48 pikë prej të cilave 25 pikë vetë, kurse 13 pikë kanë ardhur nga gabimet e bardhebluve. Në përfundim, Barleti Volej-Tirana finalja e pritshme e Kupës së Shqipërisë në volejboll për femra.
Tirana – Teuta 3-0
(25-16, 25-12, 25-20)
Tirana: Hoxha, Pirra, Shkurti, Blloku, Agolli, Sejfullai (L), Nezaj / Llaka, Lasku, E. Meta. Trajner: A. Gorenxa
Teuta: Begiçi, Guza, Rexhepi, Disha, Saliu, Dervishi (L), Avdyli. Trajner: E. Jazenxhiu
Gjyqtarë: A. Shehu, E. Dusha (Tiranë)
Kupa e Shqipërisë
Volejboll – Femra
Kalendari i fazës finale:
(11-12 mars 2016)
Të premten:
Barleti Volej – Vllaznia 3-0
Tirana – Teuta 3-0
Të shtunën:
Për vendet 3-4:
Vllaznia – Teuta ora 15:00
Finalja:
Barleti Volej – Tirana ora 17:00
