ASNN – Kampionati Kombëtar i Volejbollit për Meshkuj ka luajtur dje ndeshjet e javës së tij të 18-të dhe padyshim që ka spikatur dueli i kryeqytetit, midis kampiones në fuqi, Studentit, dhe kryesueses aktuale të renditjes, Vllaznisë.

Dhe duket Vllaznia është bërë si “mace e zezë” për djemtë e Ylli Tomorrit, sidomos në kryeqytet, ndërsa kuqeblutë kanë fituar përsëri, me shifrat 3-2 dhe kanë konfirmuar kryesimin e tyre në volejbollin e meshkujve.

Ndërkohë, korçarët janë mundur edhe dje në fushën e tyre, teksa Farka Voleji arriti një fitore të pastër 3-0 në Pallatin e Sportit “Tamara Nikolla” në ndeshjen që nisi në orën 14:00.  Tre sete lojë që kanë zgjatur jo më shumë se 60 minuta dhe miqtë fitojnë 3-0.

Në takimin tjetër të kësaj jave, Teuta ka mbajtur gjallë shpresat e vakëta për në “play-off”, duke shtangur Tiranën në Durrës, në takimin që zgjati 5 sete dhe ku vendasit fituan me rezultatin 3-2.

Kampionati Kombëtar

i Volejbollit – Meshkuj

Java e 18-të

(30 mars 2016)

Skënderbeu – Farka Volej             0-3

Studenti – Vllaznia                          2-3

Teuta – Tirana                                  3-2

Elbasani                                            pushim

Renditja

Nr.       Skuadra         N.        F.         H.        Setet               Pikë

1. Vllaznia         16        12          4        40-22              35
2. Tirana             16        10          6        37-20              33
3. Studenti         15        11         4        37-20              32
4. Farka Volej    15        10          5        34-20              29
5. Teuta              15          9          6        33-27              25
6. Skënderbeu  16          2        14          9-43                6
7. Elbasani        15          0        15          7-45                2