ASNN – Veprimtaria e dytë e volebollit në vend, Kupa e Shqipërisë, ka hyrë tashmë në fazën e grupeve, teksa vijojnë përballjet që zhvillohen me sistem grupi vajtje-ardhje. Kështu, të enjten do të hapet java e 3-të të femrat, me ndeshjen ndërmjet Pogradecit dhe Partizanit.
Liqenoret dhe të kuqet e kryeqytetit do të matin forcat duke nisur nga ora 17:00, në Pallatin e Sportit “Arefi Berberi” të Pogradecit, në sfidën e vlefshme për Grupin B. Partizani regjistron një fitore dhe një humbje në dy ndeshjet e para, për t’u renditur në vend të dytë.
Ndërsa Pogradeci i ka humbur të dyja sfidat dhe pozicionohet në vend të fundit. Në tabelat e mëposhtme pasqyrohet kalendari i javës së 3-të të Kupës së Shqipërisë, si te femrat, ashtu edhe në radhët e meshkujve.
