ASNN – Partizani mposht Tiranën në derbi dhe triumfon në Ligën Mbarëkombëtare “Gjergj Kastrioti” për meshkuj. Kështu, skuadra e trajnerit Ylli Tomori është shpallur të dielën pasdite fitues i Ligës “Gjergj Kastrioti”, duke mposhtur 3-0 në finale Tiranën.

Ky është turneu i rrjetës që bashkon ekipet më të mira nga Shqipëria e Kosova, që ka mbyllur të dielën edicionin e tij të 3-të. Ndeshja luajtur në Pallatin e Sportit “Tamara Nikolla” në Korcë, u dominta nga të kuqtë.

Ata patën një epërsi të lehtë në të trija setet, duke e merituar atë (25-21, 25-18, 25-22). Tirana nuk dha atë që pritej, ndërkohë që Partizani ishte gjithnjë përpara, duke patur një marsh më shumë.

Bardheblutë e trajnerit Ben Sako shpresuan të rihapin ndeshjen në setin e 3-të, por pa sukses, pasi Partizani mbylli llogaritë. Kutinjo u shpall lojtari më i mirë i ndeshjes, ndërkohë që për Partizanin kjo ishte  hera e parë që triumfon në këtë turne mbarëkombëtar të volejbollit.

Liga “Gjergj Kastrioti”

Volejboll – Meshkuj

Gjysmëfinalet

2 mars 2024:

Tirana – Ferizaj         3-1

Partizani – Peja         3-1

Finalja

3 mars 2024:

Tirana – Partizani     0-3