ASNN – Dy kampionet në fuqi, Barleti Voleji për femra dhe Studenti për meshkuj, janë në prag të rikonfirmimit të tyre si më të mirët edhe në këtë sezon të Kampionatit Kombëtar të Volejbollit, pasi i kanë fituar dy ndeshjet e para. “Play-off”-i final konsiston në 5 ndeshje dhe skuadra që fiton 3 prej tyre shpallet “kampione”. Kampionatit Kombëtar i Basketbollit për meshkuj dhe femra është vetëm një hap larg kurorëzimit të kampiones së re të sezonit, që sipas gjasave do të jetë kampionia e vjetër, pasi të dy kampionet në fuqi janë pranë mbrojtjes së titullit të fituar vjet.
Në ndeshjen e dytë të finales së “play-off”-it për femra, Barleti Voleji ka triumfuar sërish ndaj Tiranës, por, ndryshe nga ndeshja e parë, skuadra e trajnerit Hasan Gurabardhi ka vuajtur përballë vajzave bardheblu. Kryeqytetaset, të drejtuara nga trajneri Adrian Gorenca, i kanë fituar dy setet e para, 25-14 dhe 25-21, por Barleti Voleji ka reaguar, duke i fituar dy setet e tjera, 25-21 dhe 25-16 dhe duke e çuar gjithçka në setin final, të cilin e fiton 15-13 dhe gjithë takimin 3-2. Kështu, ndeshja e tretë, e cila luhet të enjten, mund të kurorëzojë edhe kampionen e re të volejbollit të femrave.
Ndërkohë, edhe te meshkujt, të cilët e luajnë të mërkurën ndeshjen e tretë, mund të kurorëzohet kampionia e re, pasi Studenti i drejtuar nga trajneri Ylli Tomorri, i ka fituar dy takimet e para. Siç dihet “play-off”-i final konsiston në 5 ndeshje dhe skuadra që fiton 3 prej tyre shpallet “kampione”. Këto ndeshje po sillen për sportdashësit drejtpërdrejt në kanalin RTSH Sport të platformës dixhitale të Rrjetit të Radio-Televizionit Shqiptar si dhe në kanalin e dytë tokësor, TVSH 2.
Kampionati Kombëtar
i Volejbollit – Femra
Programi i finaleve të “play-off”-it
për titullin “kampion”
22 prill 2016:
Barleti Volej – Tirana 3-1 (1-0)
(25-9, 23-25, 25-21, 25-21)
25 prill 2016:
Tirana – Barleti Volej 2-3 (0-2)
(25-14, 25-21, 21-25, 16-25, 13-15)
28 prill 2016:
Barleti Volej – Tirana ora 18:00
1 maj 2016:
Tirana – Barleti Volej ora 18:00
(nëse do të jetë e nevojshme)
4 maj 2016:
Barleti Volej – Tirana ora 18:00
(nëse do të jetë e nevojshme)
Kampionati Kombëtar
i Volejbollit – Meshkuj
Programi i finaleve të “play-off”-it
për titullin “kampion”
21 prill 2016:
Studenti – Tirana 3-1 (1-0)
(26-24, 23-25, 25-17, 25-19)
24 prill 2016:
Tirana – Studenti 0-3 (0-2)
(17-25, 24-26, 25-27)
27 prill 2016:
Studenti – Tirana ora 19:00
30 prill 2016:
Tirana – Studenti ora 19:00
(nëse do të jetë e nevojshme)
3 maj 2016:
Studenti – Tirana ora 19:00
(nëse do të jetë e nevojshme)
