ASNN – Presidenti i KOKSH-it analizon për RTSH Sport pjesëmarrjen e Shqipërisë në Olimpiadë. “Një pjesëmarrje historike” e ka cilësuar presidenti i Komitetit Olimpik Kombëtar Shqiptar, Fidel Ylli, atë të Shqipërisë në Olimpiadën “Tokio 2020”. Në një intervistë të posaçme për RTSH Sport, ai e vë theksin tek një qasje e re në punën e KOKSH-it, ndërsa ka edhe një strategji konkrete për Olimpiadat e ardhshme.
Shqipëria mori pjesë me 9 sportistë në Lojërat Olimpike “Tokio 2020” dhe, për presidenti i Komitetit Olimpik Kombëtar Shqiptar, Fidel Ylli, kjo ishte një pjesëmarrje historike. Në parantezë, Ylli ka sqaruar edhe polemikat mbi mungesën e një trajneri për Briken Caljen. Madje, duke folur posaçërisht për RTSH Sport, ai ka rrëfyer edhe prapaskenat e garës së peshëngritësit shqiptar.
Përtej zhgënjimit, kreu i organizmit që qeveris lëvizjen olimpike shqiptare e ka vlerësuar lart paraqitjen e sportistëve kuqezi. Për këtë arsye, Fidel Ylli preferon t’a bëjë analizën në perspektivë. Prandaj ai e vë theksin tek një qasje e re në punën e Komitetit Olimpik Kombëtar Shqiptar. Kreu i KOKSH-it ka edhe një strategji konkrete për Olimpiadat e ardhshme.
Por Ylli e vë theksin gjithashtu tek ngritja e mëtejshme e nivelit të trajnerëve. Ish-sportisti i njohur ka edhe një falënderim për të gjithë ata që i kanë mbështetur sportistët në këtë Olimpiadë. Në mbyllje, presidenti i KOKSH-it e vlerëson me nota pozitive gjithë paraqitjen e Shqipërisë në “Tokio 2020” dhe e hedh vështrimin tek “Paris 2024”.
Klikoni videon e mëposhtme për kronikën e plotë:
