ASNN – Tirana-Flamurtari është ndeshja e javës së 5-të të Kategorisë Superiore, nga e cila bardheblutë kërkojnë të marrin maksimumin. Të ndodhur në vendin e 6-të, me 4 pikë, pa asnjë fitore deri tani, djemtë e trajnerit, Ilir Daja kërkojnë tri pikët e para të plota.
Mbrojtësi i bardhebluve, Gentian Muça, thotë se çdo rezultat tjetër përveç fitores është humbje për ta. Tirana pret të dielën Flamurtarin, një ndeshje e vlefshme për javën e 5-të të Kategorisë Superiore.
Bardheblutë, në krizë të golit dhe të pikëve, kur kanë grumbulluar vetëm 4 të tilla, në po kaq ndeshje të zhvilluara deri më tani në kampionat, kërkojnë të bëjnë më të mirën në ndeshjen ndaj Flamurtarit.
Gentian Muça, mbrojtësi i bardhebluve, shprehet se çdo rezultat tjetër përveç fitores është i papranueshëm për skuadrën e tij. Ndeshja Tirana-Flamurtari luhet të dielën, duke nisur nga ora 17:00, në Stadiumin “Selman Stërmasi” në kryeqytet.
