ASNN – Sulmuesi i Kombëtares kuqezi përsërit paraqitjen e para dy ditëve, ka edhe një mesazh. Vetëm dy ditë më parë, Sokol Cikalleshi shënoi një gol dhe dha pasimin për një tjetër, në fitoren 3-2 që skuadra e tij arriti në fushën e vet përballë Osmanllësporit. Sulmuesi shqiptar e ka përsëritur paraqitjen e tij edhe të mërkurën në mbrëmje, në fitoren me të njëjtat shifra që Akhisari korri në fushën e Adanasë. Në një postim në profilin e tij në rrjetin social, “Facebook”, sulmuesi kuqezi ka patur edhe një dedikim për bashkatdhetarët e tij.
Po kalon një formë mjaft të mirë dhe ditët e fundit ka shpërthyer, duke qenë vendimtar për skuadrën e tij, Akhisarsporin, për të ngjitur shkallët e renditjes dhe për të synuar ngjitjen në nivelin më të lartë të kampionatit turk të futbollit. Vetëm dy ditë më parë, Sokol Cikalleshi shënoi një gol dhe dha pasimin për një tjetër, në fitoren 3-2 që skuadra e tij arriti në fushën e vet përballë Osmanllësporit, sulmuesi shqiptar e ka përsëritur paraqitjen e tij edhe të mërkurën në mbrëmje, në fitoren me të njëjtat shifra që Akhisari korri në fushën e Adanasë.
Në minutën e 28-të, shtatlarti shqiptar e kaloi skuadrën mike në epërsi. Ndërsa dy minuta para fundit të kohës së rregullt, Cikalleshi ishte arkitekti i golit të 3-të, të realizuar nga Bjarnason, gol ky që rezultoi vendimtar në fitoren e Akhisarit. Në një postim në profilin e tij në rrjetin social, “Facebook”, sulmuesi i Kombëtares kuqezi ka patur edhe një përkushtim për bashkatdhetarët e tij.
“Së pari, duke qenë me mendje dhe zemër pranë vendit dhe njerëzve tanë në Shqipëri, në këtë situatë të vështirë që po kalon, uroj dhe shpresoj që të gjithë bashkë, duke ndjekur rregullat ta mposhtim këtë virus të mallkuar”, – shkruan futbollisti. “Për t’iu rikthyer tek futbolli, sot ishte një ndër ndeshjet më të vështira të sezonit për objektivin Superligë, me gol dhe fitore vazhdojmë përpara! Akhisarspor!”, – përfundon futbollisti kuqezi, Sokol Cikalleshi.
