ASNN – Në Sallën Sportive “Arjana Arapi” të qytetit të Rrëshenit, u organizua në fundjavë një seancë e veçantë stërvitore, e udhëhequr nga trajneri i ekipit kombëtar të femrave, Altin Martiri. Kreu i organizmit që qeveris rrjetën shqiptare, Erlind Pëllumbi, ka theksuar se kjo nismë është vetëm njëra nga përparësitë e organizmit që drejton për këtë vit.

Qyteti i Rrëshenit, i cili është një qytet me traditë në sportin e volejbollit, teksa ka nxjerrë një numër sportistesh që kanë spikatur si në nivel kombëtar, ashtu edhe atë ndërkombëtar, ka qenë në fundjavë pikënisja e një nisme premtuese të Federatës Shqiptare të Volejbollit.  Në Sallën Sportive “Arjana Arapi” të këtij qyteti, u organizua një seancë e veçantë stërvitore, e udhëhequr nga trajneri i ekipit kombëtar, Altin Martiri.

Kreu i organizmit që qeveris rrjetën shqiptare, Erlind Pëllumbi, ka sqaruar pse sipari i këtyre trajnimeve nisi me Rrëshenin. Edhe për shefin e klubit mirditor, Mark Kola, kjo është një nismë e vyer. Ndërsa për trajnerin Mërtiri, që e ka drejtuar skuadrën vendase për dy sezone në të shkuarën, ky ishte një kthim në shtëpi. Megjithatë, për Pëllumbin, sporti ka nevojë për mbështetje më të madhe nga pushteti lokal.

Kurse Kola e sheh po aq të rëndësishme mbështetjen e biznesit dhe përmirësimin e infrastrukturës. Për Martirin, këto seanca përcjellin një mesazh vëmendjeje për komunitetin e këtij sporti në vend. Ndërkohë, presidenti i FSHV-së thekson se kjo nismë është vetëm njëra nga përparësitë e organizmit që drejton për këtë vit. Ndërsa trajneri i Kombëtares kuqezi ka projektuar edhe një kalendar për këtë nismë.

Në përfundim të kësaj séance stërvitore, vajzat e skuadrës së Mirditës janë përshëndetur edhe nga presidenti i Federatës Shqiptare të Volejbollit, i cili u ka uruar suksese për gjysmën e mbetur të sezonit.