Toni Parker dhe Manu Xhinobili, shokë skuadre te San Antonio Spërs në NBA, u dhanë lamtumirën ekipeve përfaqësuese pas eliminimit në çerekfinalet e Rios. Spanja e mundi Parkerin dhe përfaqësuesen e tij franceze me shifrat 92-67, ndërsa Argjentina e Xhinobilit u shpartalluar 78-105 nga Shtetet e Bashkuara të Amerikës me një numër yjesh të NBA-së në përbërje.

Lojërat e 31-ta Olimpike kanë ulur siparin e dy prej karrierave më të spikatura ndërkombëtare në basketbollit të meshkujve, pasi dy qendrat, Toni Parker dhe Manu Xhinobili, shokë skuadre te San Antonio Spërs në NBA, u dhanë lamtumirën ekipeve përfaqësuese pas eliminit në çerekfinalet e Rios. Spanja e mundi Parkerin dhe përfaqësuesen e tij franceze me shifrat 92-67.

Ndërsa Argjentina e Xhinobilit u shpartalluar 78-105 nga Shtetet e Bashkuara të Amerikës me një numër yjesh të NBA-së në përbërje. Për Xhinobilin, kulmi i karrierës 20-vjeçare, ishte medalja e artë olimpike e 2004-ës. “Ka qenë një karrierë e jashtëzakonshme dhe jam shumë krenar, – ka thënë basketbollisti amerikanolatin. – Jam paksa i trishtuar, por edhe i lumtur gjithashtu.”

Nga ana tjetër, Parkeri e udhëhoqi Francën drejt kurorës kontinentale në Evropianin e 2013-ës, të mbajtur në shtëpi dhe ku ai u shpall Lojtari Më i Vlefshëm (MVP). “Jam shumë krenar për atë që kemi arritur, – ka thënë francezi. – E kam shijuar gjithçka dhe 16 vitet e fundit kanë qenë të jashtëzakonshme. Dhe unë nuk kam keqardhje për asnjë sekondë të vetëm.”

Si Parkeri, 34-vjeçar, ashtu edhe Xhinobili, 39-vjeçar, e kanë ndihmuar San Antonio Spërsin të fitojë 4 tituj “kampion” të NBA-së, si dhe ekipet e tyre përfaqësuese drejt famës ndërkombëtare.