ASNN – Teksa është dy pikë larg skuadrave të kreut të renditjes, Partizani kërkon vetëm 3 pikët ndaj Flamurtarit në ndeshjen e radhës. Agustin Torrasa ka vënë edhe njëherë theksin se nëse duan të arrijnë objektivin, pra titullin “kampion”, nuk duhet të lenë më pikë në asnjë ndeshje në vijim të kampionatit.
Partizani luan të shtunën ndeshjen e radhës me Flamurtarin. Të kuqtë kërkojnë patjetër fitoren për të mos iu ndarë Skënderbeut dhe Kukësit në krye të renditjes. Partizani ka arritur fitoren më të thellë në këtë kampionat me Flamurtarin, por futbollisti i të kuqve, Agustin Torrasa, mendon se ky rezultat do të jetë i vështirë për t’u përsëritur.
Nëse shënon argjentinasi i të kuqve ka një dedikim të posaçëm. Takimi Partizani-Flamurtari, i vlefshëm për javën e 25-të, do të luhet të shtunën në Stadiumin “Elbasan Arena”, duke nisur nga ora 14:00.
