ASNN – Kukësi mbron me fanatizëm traditën e mundjes. Me një ekip prej 52 mundësish, me katër trajnerë në përbërjen e tij ka arritur të shpallet “kampion kombëtar” për vitin 2018-2019, për grupmoshat “shkollorë dhe para të rinj”, në kampionatin e zhvilluar me datë 30 shtator, në Pallatin e Sportit “Asllan Rusi”. Sporti i mundjes është mjaft i përhapur edhe tek brezat.
7-vjeçari Ernest Domi vjen çdo ditë për tu stërvitur në palestrën e ekipit. Dëshira e tij është të bëhet në të ardhmen një mundës i madh. “Krenar për këta djem që na përfaqësojnë në mënyrë dinjitoze dhe ngrenë lartë vlerat dhe emrin e Kukësit”, – deklaroi në pritjen e falënderimit të ekipit të mundjes, Kryetari i Bashkisë së Kukësit, Bashkim Shehu.
Kukësi ndër vite ka nxjerrë emra të mëdhenjë të mundjes shqiptare si; Zeqir Hallaçi, Sahit Prizereni, Lutfi Meçka, Njazi Selmani, Shefit Bulica, Ramiz Kovaçi, Nuhi Murseli, Neshat Alidini, Brahim Kovaçi, e të tjerë.
