ASNN – Kategoria Superiore ka luajtur të dielën 3 takimet e para të javës së 21-të, që kanë dhuruar spektakël dhe gola. Sfida që ngriti siparin e kësaj jave ishte Laçi-Teuta, me takimin që përfundoi në barazim me rezultatin 1-1. Kurbinasit dhe durrsakët shënuan nga një gol përkatësisht për secilën pjesë loje, duke ndarë nga një pikë në një rezultat që nuk i lë të kënaqur, sidomos durrsakët që mbeten në fund të renditjes me 18 pikë, ndërsa laçianët nuk arrijnë të ngushtojnë diferencën me 4-shen e parë.

Në të njëjtën ditë u luajtën edhe dy ndeshje të tjera. Skënderbeu regjistroi një triumf fantastik pasi mposhti Tiranën në Stadiumin “Arena Kombëtare”, me rezultatin 4-3. Ndërsa takimi i zhvilluar në stadiumin “Loro Boriçi” mes Vllaznisë dhe Partizanit përfundoi në barazim 1-1. Kështu, pas takimit të parë, të luajtur më herët, në mbrëmje janë zhvilluar edhe dy takimet të tjera të javës së 21-të të Kategorisë Superiore dhe, në Shkodër, Vllaznia dhe Partizani kanë dhuruar spektakël në atë ishte sfida më interesante.

Në barazpeshë 1-1 do të mbyllen 45 minutat e para në Shkodër, ndërsa ato të dytat kanë qenë gjithashtu të luftuara, por përtej përpjekjeve të të dyja skuadrave, është mbyllur në barazim 1-1 kjo sfidë, që i lë të dyja skuadrat në pozita të njëjta në renditje. Në takimin tjetër të mbrëmjes, të luajtur në kryeqytet, Tirana dhe Skënderbeu kanë dhuruar një 45-minutësh të parë intensiv, me 5 gola të shënuar, ndërsa dy të tjerë janë shënuar në pjesën e dytë. Dhe Skënderbeu mund Tiranën 4-3 në kryeqytet dhe ngjitet në kuotën e 25 pikëve.