ASNN – Një psikiatre 32-vjeçare nga Nju Jorku ka vuajtur për të kaluar finishin e Maratonës së Dallasit, por në fund i ka ardhur një ndihmë nga një burim i pazakontë. Në vend që të përfitonte duke shpejtuar hapat, 17-vjeçarja Ariana Luterman ndaloi, duke e ndihmuar rivalen e saj, Çendlër Self, të ngrihej në këmbë dhe të vazhdonte garën.

Supozohet të ishin rivale në një garë sfiduese siç është maratona, por në fund, ai që ka fituar ishte humanizmi. Çendlër Self, një psikiatre 32-vjeçare nga Nju Jorku ka vuajtur për të kaluar finishin e Maratonës së Dallasit, por në fund i ka ardhur një ndihmë nga një burim i pazakontë.

Në vend që të përfitonte duke shpejtuar hapat, 17-vjeçarja Ariana Luterman ndaloi, duke e ndihmuar rivalen e saj të ngrihej në këmbë dhe të vazhdonte garën. “Nuk mund të vrapoja dhe ta lija atë aty”, – deklaroi Lutermani pas garës, duke shtuar: “ E vetmja gjë që mund të bëja në ato çaste ishte ta ngrija lart dhe ta ndihmoja ta mbyllte garën”.

32-vjeçarja e fitoi Maratonën e Dallasit në kategorinë e amatorëve, por të dyja femrat janë shpallur fituese morale të kësaj gare nga organizatorët.