ASNN – Bylisi dhe Vora bëjnë detyrën, Apolonia mund Kastriotin në Fier. Niveli i dytë i Kampionatit Kombëtar të Futbollit, që njihet si Kategoria e Parë, ka luajtur të dielën të gjitha sfidat e para të fazës së 3-të, me disa prej pretendenteve që morën 3 pikët, por që kishte dhe të papritura.

Bylisi fitoi mes vuajtjesh në Ballsh përballë Tomorit të vendit të fundit, me rezultatin 2-1. Detyrën bëri edhe Vora, që triumfoi 3-0 kundër Besës në shtëpi. Apolonia nuk gaboi përballë Kastriotit, duke fituar 2-0 në Fier dhe duke forcuar pozitat në zonën “play-off”-it për ngjitjen në Kategorinë Superiore.

E papritura e madhe erdhi nga Vlora, me Burrelin që mundi Flamurtarin me rezultatin minimal 1-0. Një fitore të rëndësishme e mori edhe Korabi, që mundi një rival direkt për “play-off” si Lushnja me rezultatin 2-1. Takimi i fundit është ai që luhet duke nisur në ora 18:00, midis Elbasanit dhe Luzit 2008.

Kategoria e Parë

Java e 23-të:

Të dielën, 3 mars 2024:

VORA – BESA                                  3-0

Shënues: Prengaj 47’, Raboshta 49’, Qardaku 64’

BYLIS – TOMORI                              2-1

Shënues: Ruçi 17’, Kibe 64’ / Hysolli 40’

FLAMURTARI – BURRELI             0-1

Shënues: Ferruku 49’

APOLONIA – KASTRIOTI                2-0

Shënues: Umejiego 28’, A. Bejzade 38’

KORABI – LUSHNJA                       2-1

Shënues: Çema 26’, Kasalla 90’+5 / Olola 47’

AF ELBASANI – LUZI 2008            (18:00)

Stadiumi “Elbasan Arena”