ASNN – Mbyllet java e 21-të e Kategorisë Superiore. Egnatia thellon kryesimin me fitoren 3-2 ndaj Erzenit, Dinamo mund Kukësin 3-2. Janë luajtur të hënën dy takimet e fundit të javës së 21-të të Kategorisë Superiore dhe Egnatia ka mundur me përmbysje në shtëpi Erzenin, me shifrat 3-2 dhe ka thelluar epërsinë në krye të renditjes.
Në takimin e mbrëmjes, Dinamo ka mundur Kukësin 3-2 me një gol të shënuar në minutën e 6-të shtesë. Kpshtu, Në takimin e luajtur më herët, Egnatia ka arritur një fitore të çmendur përballë Erzenit me përmbysje, duke fituar me rezultatin 3-2. Sfida nisi më mirë për shijakasit, të cilët kaluan në epërsi që në minutën e 4-t me Marzukun
Por baraspesha u vendos vetëm në pjesën e dytë me Spahiun, që realizoi në minutën e 59-të. Zeka kaloi sërish në epërsi shijakasit, por pas 6 minutash rrogozhinasit shënuan dy herë me dy ardhjet e reja, Montenegron dhe Ibrahimollunë, duke i dhënë fitoren skuadrës së trajnerit Edlir Tetova.
Kështu Egnatia vazhdon të marshojë në krye me 46 pikë, 10 më shumë se Partizani i vendit të dytë, ndërsa Erzeni vazhdon të jetë në luftë për mbijetesë në vendin e 7-të me 22 pikë.
