ASNN – Me ceremoninë e hapjes ka ngritur siparin Olimpiada Dimërore “Pjongçeng 2018”, ku Shqipëria, për herë të dytë radhazi, po merr pjesë me dy sportistë, skiatorët Suela Mëhilli dhe Erjon Tola.
Dhe duke folur ekskluzivisht për Rrjetin e Radio-Televizionit Shqiptar nga Koreja e Jugut, presidenti i Komitetit Olimpik Kombëtar Shqiptar, Viron Bezhani, ka vlerësuar mesazhin që përcolli ceremonia e hapjes.
Bezhani ka theksuar gjithashtu se dyshja e skiatorëve kuqezi është në formë mjaft të mirë. Lojërat Olimpike Dimërore “Pjongçeng 2018”, po sillen për sportdashësit drejtpërdrejt nga Rrjeti i Radio-Televizionit Shqiptar.
