ASNN – Nuk luan për asnjë minutë, por Lacio mposht Leçen e Ylber Ramadanit titullar. Përtej pritshmërive, në ndeshjen e të dielës pasdite midis Lacios dhe Leçes, mungoi derbi shqiptar, pasi Elseid Hysaj ishte në stol dhe nuk luajti për asnjë minutë, ndërsa shoku i tij i skuadrës kuqezi, Ylber Ramadani, ishte titullar përgjatë gjithë sfidës. Në ndeshjen e javës së 20-të të Serisë A, Lacio e mposhti 1-0 Leçen, duke arritur kështu fitoren e 4-t radhazi dhe duke vazhduar përpjekjet për një vend në Ligën e Kampioneve sezonin.
Në ndeshjen e javës së 20-të të Serisë A, Lacio mposhti 1-0 Leçen, duke arritur fitoren e 4-t radhazi dhe duke vazhduar përpjekjet për një vend në Ligën e Kampioneve sezonin. Përtej pritshmërive, në këtë ndeshje mungoi derbi shqiptar, pasi Elseid Hysaj ishte në stol dhe nuk luajti për asnjë minutë, ndërsa shoku i tij i skuadrës kuqezi, Ylber Ramadani, ishte titullar përgjatë gjithë sfidës. Pas një pjese të parë nën ritëm, në të cilën skuadra mike luajti më mirë, bardhekaltërit gjetën golin e fitores falë Felipe Andersonit, i cili finalizoi një pasim të Luis Albertos në minutën e 59-të.
Tanimë për Sarrin vëmendja kthehet te Superkupa e Italisë, tek gjysmëfinalja kundër Interit, që do të luhet të premten në Arabinë Saudite. Zakanji dhe Imobile, të dy të ndëshkuar, do të mungojnë në ndeshjen e radhës në kampionat kundër Napolit. Në fushën e lojës për skuadrën e Leçes ishte i pranishëm dhe mesfushori kuqezi, Ylber Ramadani, i cili luajti për 90-minuta dhe u ndëshkua me një karton të verdhë. Sipas Eurosportit, Ramadani është vlerësuar me notën 6 dhe komenti për të ishte: “Shumë kilometra të bëra dhe përplasje të shumta, pa frikë. Mjaftueshmëria është aty. Megjithatë, ai frymëzim shtesë mungon…”.
