ASNN – Auto-ambulanca supozohet të jetë mjeti që i vjen në ndihmë njerëzve në rast nevoje mjekësore dhe si e tillë, ajo është një kusht i panegocionueshëm në një stadium futbolli, ku dëmtimet e lojtarëve janë ngandonjëherë edhe të rënda.

Një episod i tillë ka ndodhur edhe gjatë një ndeshjeje të kampionatit brazilian të futbollit, midis Flamengos dhe Vasko de Gamas.  Me përjashtimin e vetëm se këtë radhë, ajo që ka patur nevojë për ndihmë ka qenë ambulanca, të cilën e ka lënë në baltë motori.

Për fat të mirë, vetëm për pak kohë, pasi futbollistët kanë bërë detyrën qytetare, duke i dhënë një dorë auto-ambulancës.