ASNN – Sonte, në ora 20:45, gjysmëfinalja e parë, Hamburg-Lajpcig, përballja e kontrastit në formë. Kupa e Gjermanisë luan të martën dhe të mërkurën dy ndeshjet gjysmëfinale, të cilat, sikundër i gjithë ky sezon, do të sillen për sportdashësit drejtpërdrejt nga Rrjeti i Radio-Televizionit Shqiptar. Sonte, duke nisur nga ora 20:45, në kanalin RTSH Sport, do të vijë përballja Hamburg-Lajpcing, ndërsa nesër në mbrëmje dueli tjetër, Verder Bremen-Bajern i Mynihut.
Rrugëtimi që ka nisur më 17 gusht të vitit të shkuar, kur në valle ishin të 64 skuadrat pjesëmarrëse, ka mbërritur tanimë në aktin e parafundit, ku në lojë kanë mbetur vetëm 4 skuadrat që sfidojnë njëra-tjetrën për trofeun e dytë të futbollit gjerman. Kupa e Gjermanisë luan të martën dhe të mërkurën dy ndeshjet gjysmëfinale, të cilat, sikundër i gjithë ky sezon, do të sillen për sportdashësit drejtpërdrejt nga Rrjeti i Radio-Televizionit Shqiptar.
Sonte, duke nisur nga ora 20:45, në kanalin RTSH Sport, do të vijë përballja Hamburg-Lajpcing, ndërsa nesër në mbrëmje dueli tjetër, Verder Bremen-Bajern i Mynihut. Hamburgu vendas vjen në përballjen e sotme teksa po kalon një formë jo dhe aq të mirë, pasi ka marrë vetëm 3 pikë nga 5 ndeshjet e fundit në nivelin e dytë të Bundesligës, ku zbriti këtë sezon, për herë të parë në histori. Skuadra e trajnerit Hanes Volf e shikon t’i largohet gjithnjë e më tepër Këlni kryesues.
Ndërsa ndjen gjithnjë e më afër Padebornin e vendit të 3-të, që është vetëm një pikë prapa, por edhe Unionin e Berlinit dhe Haidenhaimin, që kërcënojnë t’i rrëmbejnë vendin e dytë dhe bashkë me të, shansin për t’u rikthyer në Bundesligën e parë. Por përballë, Hamburgu ka Lajpcigun, që tanimë e ka konsoliduar veten si skuadra e 3-të më e mirë e futbollit gjerman në këto vitet e fundit dhe po shijon një gjysmë të dytë të shkëlqyer të këtij sezoni.
Skuadra e drejtorit sportiv, që për momentin bën edhe trajnerin, Ralf Rangnik, ka fituar 8 nga 10 ndeshjet që ka luajtur që nga Krishtlindjet në të gjitha veprimtaritë dhe sonte do të synojë të parë finale të Kupës së Gjermanisë.
