ASNN – Ish-portieri i famshëm i Anglisë së 1966-ës dhe 1970-ës ndërroi jetë të martën. Gordon Benksi, fitues i Botërorit me Anglinë në vitin 1966, ka ndërruar jetë në moshën 81-vjeçare. Ai ka luajtur plot 73 herë për përfaqësuesen e Anglisë dhe fituan edhe trofe të Kupës së Ligës Angleze me Stouk Sitin, por karriera e tij u ndërpre në mënyrë të papritur në vitin 1972, kur një aksident me makinë e shkaktoi humbjen e njëri humbjen e njërit sy dhe dëmtimin e shikimit.
Benksi i Anglisë, siç dihej gjerësisht, është konsideruar si një nga portierët më të mirë të botës së gjysmës së dytë të shekullit të 20-të, krahas me bashkëkohësve të tij, Lev Jashinit dhe Dino Xofit. Pritja e tij e pabesueshme e goditjes së Pelesë në përballjen me Brazilin në Botërorin e 1970-ës në Meksikë, është cilësuar si “pritja e shekullit” por ai mungoi në humbjen në çerekfinale përballë Gjermanisë Perëndimore, për shkak të një sëmundjeje.
“Kur u ngrita në këmbë, pas goditjes së këndit, Peleja erdhi dhe më rrahu shpatullat, duke më thënë: “Kujtova se ishte gol”. “Edhe unë ashtu mendova”, iu përgjigja. Benksi, i cili ishte portieri i finales së shumëdiskutuar të 1966-ës, ku Anglia mposhti Gjermaninë Perëndimore 4-2, u aksidentua në datëlindjen e tij të 34-t dhe, ndonëse e provoi fatin edhe në kampionatin amerikan të futbollit, por edhe më pas si trajner, e mbylli me sportin më popullor në botë që fillim të viteve 1980.
Në dhjetor të vitit 2015, u bë e ditur se po i nënshtrohej trajtimit për kancerin e veshkave, ndërsa gjatë natës duke u gdhirë e marta, ndërroi jetë. Ishin të shumtë ata që kanë reaguar pas lajmit të hidhur, por më i veçantë ishte postimi në rrjetin social “Twitter” i përfaqësueses gjermane të futbollit, e cila, duke e shoqëruar ngushëllimin e saj me një foto të Gordon Benksit duke u përqafuar me gjermanët pas finales së 1966-ës, shkruar: “Një kundërshtar i rreptë dhe një njeriu i mirë… Prehu në paqe, Gordon Benks…!
