ASNN – Kupa e Shqipërisë 2023-2024, hidhet shorti, këto janë çiftet gjysmëfinaliste. U hodh të martën shorti për fazën gjysmëfinale të Kupës së Shqipërisë për edicionin futbollistik 2023-2024, ku, siç dihet tanimë, kanë kaluar 4 skuadra: Tirana, Vllaznia, Egnatia dhe Kukësi.

Në shortin e hedhur në mjediset e “Shtëpisë së Futbollit” në kryeqytet, ishte i pranishëm Drejtori i Departamentit të Garave në Federatën Shqiptare të Futbollit (FSHF), Marjus Sulejmani, si edhe përfaqësuesit e klubeve dhe përfaqësues të mediave. Nga shorti u përcaktuan edhe dy çiftet gjymëfinaliste të këtij edicioni të Kupës së Shqipërisë.

Ato janë Kukësi-Tirana dhe Egnatia-Vllaznia. Ndeshjet e kësaj faze, ku do të përcaktohen edhe finalistët e këtij edicioni janë planifikuar të luhen në datë 3 prill 2024 takimet e para dhe 24 prill 2024 ato të kthimit, ndërkohë që finalja e madhe do të luhet më datën 14 maj 2024.

Kupa e Shqipërisë

Çiftet e gjysmëfinaleve:

Kukësi – Tirana                     (3 prill 2024)

Tirana – Kukësi                     (24 prill 2024)

Egnatia – Vllaznia                (3 prill 2024)

Vllaznia – Egnatia                (24 prill 2024)