ASNN – Nën drejtimin e Agustin Kolës, vajzat kuqezi të Kombëtares së Nën-17-vjeçareve të futbollit të femrave gjenden të grumbulluara në kampin e tyre stërvitor në Durrës, ku edhe zhvillojnë seancat stërvitore. Ndeshja e parë e Shqipërisë do të jetë ajo ndaj Malit të Zi, më 24 shtator 2021, në Stadiumin “Elbasan Arena”, ndërsa më 30 shtator 2021, do të luajnë kundër Azerbajxhanit, po në këtë stadium.
Dhe lkojtarja e skuadrës kuqezi, Rigersa Tori thekson se objektivat e skuadrës janë të marrin 6 pikët dhe të kryesojnë grupin, pavarësisht kundërshtarëve që do të përballen. “Jam Rigersa Tori, pjesë e ekipit të Kinostudios, – prezantohet ajo. – Nuk është hera ime e parë që grumbullohem me Kombëtaren shqiptare, por është gjithmonë kënaqësi të luash për këto ngjyra.”
“Objekivat e grupit? Nuk jemi më grupi i vjetshëm, jemi një grup relativisht i ri, – ia vijuar lojtarja kuqezi. – Stërvitjet i kemi nisur që prej ditës së mërkurë dhe po bashkëpunojmë fort për të arritur objektivat tona në këto dy ndeshje, që janë të marrim 6 pikët e mundshme dhe të jemi në krye të grupit B. Kundërshtaret nuk janë të lehtë, por mendoj se do ia dalim.”
Në mbyllje, ajo ka folur edhe për synimet e saj për të ardhmen. “Objektivat në aspektin personal janë që të kem një titull “kampion” në kampionatin shqiptar dhe pse jo, të mos jem edhe pjesë e Kombëtares së të rriturave së shpejti”, – përfundoi lojtarja e Kombëtares kuqezi të Nën-17-vjeçareve të futbollit për femra, Rigersa Tori.