ASNN – Trajneri i Vllaznisë së femrave flet për karantinën, stërvitjen dhe synimet për Evropën.

Sikundër i gjithë futbolli, edhe futbolli i femrave është ndërprerë dhe për trajnerin e vajzave kuqeblu, Nikolin Leka, kjo ndërprerje ishte e dëmshme.

Duke folur për Rrjetin e Radio-Televizionit Shqiptar, trajneri i kampioneve të Shqipërisë rrëfen se ruajtja e formës së futbollisteve ka qenë një sfidë më vete.

Për Lekën, shqetësimi më i madh sesa kampionati mbetet pjesëmarrja në Ligën e Kampioneve të Evropës në futboll për femra.

Vllaznia e ka dominuar gjatë 10-vjeçarit të fundit futbollin e femrave, duke bërë edhe paraqitje mjaft të mira në Evropë.