ASNN – Do të jetë mbi 480 numri i interpretuesve në fushën e blertë, ndërsa atyre do t’u shtohen edhe 250 muzikantë të tjerë, në një ceremoni që do të ketë për kulm interpretimin e himnit të këtij Evropiani, këngën “This one is for you” nga Di-Xhej David Geta dhe këngëtarja Zara Xhonson. Sipas organizatorëve, ceremonia e mbylljes e Evropianit “Francë 2016” është konceptuar në trajtën e një simfonie njerëzore.
Finales së madhe e Kampionatit të 15-të Evropian të Futbollit do t’i paraprijë edhe ceremonia e mbylljes së tij, që, sipas organizatorëve do të konceptohet në trajtën e një simfonie njerëzore. Do të jetë mbi 480 numri i interpretuesve në fushën e blertë, ndërsa atyre do t’u shtohen edhe 250 muzikantë të tjerë, në një ceremoni që do të ketë për kulm interpretimin e himnit të këtij Evropiani, këngën “This one is for you” nga DJ David Geta dhe këngëtarja Zara Xhonson.
“Këtë herë, ceremonia përqendrohet në atë që futbolli duhet shijuar, – ka thënë një nga organizatorët, Andrea Francisi. – Kështu që kjo do të jetë një ceremoni që flet për vlerat e futbollit dhe, më tepër se kaq, për dy finalistet, Francën dhe Portugalinë.” Ceremonia e mbylljes, së bashku me finalen e madhe, është fundi i një aventure 31-ditore, që nisi më 10 qershor dhe mbyllet sot.
