AlbanianSport.com 30.10.2016 14:25

ASNN – Sezoni i jashtëzakonshëm i nivelit më të lartë të Kampionatit Botëror të Motoçiklizmit, që njihet si “Moto GP”, vazhdon të dhurojë emocionet të shumta në rrjetin e Radio-Televizionit Shqiptar. Sot në mëngjes, transmetuesi publik ka sjellë drejtpërdrejt emocionet e garës së parafundit të sezonit, asaj të Malajzisë, që ka kurorëzuar Andrea Doviciozon si fitues.

9 fitues të ndryshëm në këto 17 gara, teksa ka mbetur edhe një e fundit, ajo e Valencias, për të kurorëzuar një sezon të jashtëzakonshëm. Ky është bilanci i jashtëzakonshëm, madje historik, i nivelit më të lartë të Kampionatit Botëror të Motoçiklizmit, që njihet si “Moto GP” dhe vazhdon të dhurojë emocionet të shumta në rrjetin e Radio-Televizionit Shqiptar.

Sot në mëngjes, transmetuesi publik ka sjellë drejtpërdrejt emocionet e garës së parafundit të sezonit, asaj të Malajzisë, që ka kurorëzuar Andrea Doviciozon si fitues. Në fakt, italiani i “Dukati”-t, i cili ka gjetur fitoren e dytë në karrierë vetëm pas 7 vitesh, që nga ai triumf i 2009-s në “Donington Park”, ka qenë “mbreti i shiut” në pistën e Sepangut, ku një numër pretendentësh u rrëzuan në asfaltin e lagësht.

Në fakt, gara e së dielës, e kushtëzuar nga shiu që është i zakonshëm për këtë periudhë të vitit në Malajzi, ka parë shpesh kryesimin të ndërrojë duar, por në fund, ka qenë italiani i “Dukati”-t ai që ka mbërritur i pari në finish, duke lënë prapa, bashkëatdhetarin e tij të “Jamaha”-s, Valentino Rosin, i cili sidoqoftë ngushëllohet me sigurimin edhe matematikisht të titullit të nënkampionit për këtë sezon.

Tanimë fjalën e ka epilogu i Valencias.