ASNN – Teksa janë luajtur pasdreke 7 ndeshjet e para të turit të 16-shes së Kupës së Shqipërisë, ku nuk kanë munguar të papriturat, pasdite është luajtur edhe ndeshja e 8-të. Dinamo ka arritur të kalojë me sukses provën e parë në derbi përballë Tiranës duke fituar me rezultatin 2-0. Blutë kanë dominuar në pjesën e parë duke shënuar me Ibraimin në minutën e 26-të dhe Skukën në minutën e 38-të.

Në pjesën e dytë Tirana u shfaq më kërkuese, por pa arritur të gjejë rrugën e rrjetës. Dinamovitët luajtën më të tërhequr dhe arritën të administronin atë që kishin arritur gjatë 45 minutave të para. Kështu, Dinamo ka mundur 2-0 në derbi ndaj Tiranës sfidë kjo e vlesfshme për turin e 16-shes së Kupës së Shqipërisë, e luajtur në “Arena Kombëtare” të kryeqytetit.

Goli i parë në minutën e 21-të vjen pas 11-metërshit të realizuar nga Ibrahimi, dhënë për shkak të ndërhyrjes së parrugullt të portierit Bekaj ndaj Skukës. Futbollisti i Dinamos është në një ditë të mirë dhe e vulos paraqitjen e tij në minutën e 38-të me një aksion të bukur. Në pjesën e dytë, Tirana mundohet të kthejë rezultatin por shpërdoron me sulmuesit e saj, ndërkohë që Hoxhallari merr karton të kuq në fundin e ndeshjes. Ndërkohë, ndeshja e kthimit do të luhet më 17 nëntor 2021.

Kupa e Shqipërisë

Turi i 16-shes

Grupi A

Të mërkurën, 3 nëntor 2021:

Korabi – Teuta                                   0-1

Besëlidhja – Partizani                      0-1

Bylis – Skënderbeu                          1-1

Dinamo – Tirana                               (16:45)

Grupi B

Të mërkurën, 3 nëntor 2021:

Tomori – Laçi                                     0-1

Pogradeci – Vllaznia                                    0-2

Egnatia Rrogozhinë – Kukësi        3-1

Flamurtari – Kastrioti                        0-0

Ndeshjet e kthimit do të luhen më 17 nëntor 2021.