ASNN – Luhet sfida e kthimit të gjysmëfinaleve, “Djajtë e kuq”, me mision thuajse të pamundur përmbysjeje. Derbit i Mançesterit, midis Junajtid dhe Sitit, i vlefshëm për gjysmëfinalet e Kupës së Ligës Angleze, luan të mërkurën aktin e dytë. Akti i parë, i luajtur në fillim të janarit në “Olld Trafford” është fituar nga 3-1 skuadra e trajnerit Pep Guardiola, dhe “Djajtë e kuq” përballen me një mision të vështirë përmbysjeje.
Sikundër çdo veprimtari madhore sportive, kjo ndeshje do të sillet për sportdashësit drejtpërdrejt në Rrjetin e Radio-Televizionit Shqiptar. Transmetimet ekskluzive të veprimtarive madhore sportive vijojnë në Rrjetin e Radio-Televizionit Shqiptar dhe Kupa e Ligës Angleze do të luajë të mërkurën takimin e kthimit të gjysmëfinales, derbit të Mançesterit, midis Sitit dhe Junajtid.
Ashtu sikundër ndeshja e parë, që luajt më 7 janar, edhe ndeshja e kthimit, do të sillet për sportdashësit drejtpërdrejt në kanalin RTSH Sport. Në fakt, akti i parë i kësaj përballjeje, i luajtur në “Olld Trafford” është fituar nga 3-1 skuadra e trajnerit Pep Guardiola, dhe “Djajtë e kuq” përballen me një mision të vështirë përmbysjeje. Takimi i parë foli bindshëm për të kaltërit, të cilët gjetën plot 3 herë rrugën e rrjetës.
Bernardo Silva në minutën e 17-të, Mahrezi në minutën e 33-të dhe një autogol i futbollistit i Mançester Junajtid, Andreas Herrera, i dhanë Sitit një epërsi 3-golëshe. Pjesa e dytë solli vetëm një gol nga Markus Rashford për vendasit, por “Djajtë e kuq” vijnë kështu në ndeshjet e kthimit, që do të luhet të mërkurën fushën e Mançester Sitit, duke synuar të përmbysë atë humbjen 1-3 nëse synojnë të shkojnë në finale.
Por me skuadrën e trajnerit Ole Gunar Solskjaer të lëkundur në paraqitjet dhe rezultatet e saj, teksa mbetet në vendin e 5-të të renditjes, me 34 pikë, dhe me vendasit më të qëndrueshëm në vendin e dytë, me 17 pikë më tepër sesa bashkëqytetasit, ndeshja e kthimit duket se është një formalitet për Mançester Sitin sa i përket vendit në finalen e Kupës së Ligës Angleze.
Klikoni videon e mëposhtme për kronikën e plotë:
