ASNN – Ballshiotët vijojnë stërvitjet në shtëpi, por edhe përpjekjet në merkato për përforcime. Krahas seancave stërvitore, të cilat po zhvillohen nga stafi teknik, në mungesë të trajnerit Dovedan, teksa 65-vjeçari është lektor në një kurs të UEFA-s për trajnerët në Bosnjë-Hercegovinë, ballshiotët vijojnë edhe përpjekjet për të përforcuar skuadrën. Kështu, Bylisi ka rikthyer një nga lojtarët e huazuar në Kategorinë e Parë në verë në radhët e skuadrës së Turbinës dhe bëhet fjalë për Majkëll Peçin, që luan si mesfushor qendre.
Ndryshe nga shumica e skuadrave të Kategorisë Superiore, që po e zhvillojnë jashtë Shqipërisë fazën përgatitore dimërore, Bylisi po e kalon në shtëpi dimrin. Dhe krahas seancave stërvitore, të cilat po zhvillohen nga stafi teknik, në mungesë të trajnerit Vejlko Dovedan, teksa 65-vjeçari është lektor në një kurs të UEFA-s për trajnerët në Bosnjë-Hercegovinë, ballshiotët vijojnë edhe përpjekjet për të përforcuar skuadrën. Kështu, Bylisi ka rikthyer një nga lojtarët e huazuar në Kategorinë e Parë në verë në radhët e skuadrës së Turbinës dhe bëhet fjalë për Majkëll Peçin, që luan si mesfushor qendre.
Peçi ka përvojë në elitën e futbollit shqiptar, pasi ka provuar të luajë edhe me Tiranën, Sopotin dhe Korabin, si dhe ka veshur edhe fanellën e Shpresave. 23-vjeçari pritet të jetë një alternativë për mesfushën. Bashkë me argjentinasin Gonzales, Peçi e çon në dy numrin e afrimeve te ballshiotët, të cilët janë duke menduar edhe për përforcime të tjera në këtë periudhë merkatoje. Ballshiotët kanë huazuar në verë edhe Dramollin e Liçkollarin te Pogradeci, ashtu sikurse edhe Kasajn e Sadik Çelën në skuadra të Kategorisë së Parë.
Pra, janë 4 lojtarë 20-vjeçarë që premtojnë shumë dhe kanë qenë titullarë në skuadrat përkatëse. Ndërkohë, me skuadrën e parë stërviten edhe lojtarët e spikatur tek ekipi i Nën-19-vjeçarëve, që shikohen si me të ardhme. Klubi u dha mundësinë e madje në disa ndeshje i ka pasur edhe në stol. Në Ballsh po mendojnë që të përforcohen në çdo repart gjatë kësaj periudhe, aq më tepër që skuadra ka pasur shume lëvizje, pasi 3 futbollistë janë të dëmtuar: Bicaj, Aliaj e Ymeralilaj, të cilëve u shtohet edhe Antoni që vjen pas një operacioni.
Ndërsa klubi po lëviz që të zëvendësojë edhe Selmanin, Mishelin apo dhe Opokun e Celisin. Pritet që javën e ardhshme të mbërrijë edhe azerbajxhanasi Eltun Turabov.
