ASNN – Një rezultat historik e ka cilësuar një njohje e vjetër e futbollit kroat, Erion Bogdani, barazimin 1-1 që Skënderbeu mori të enjten në Zagreb ndaj Dinamos vendase.
Për ish-sulmuesin e Kombëtares, që dikur ka luajtur për dy sezone me NK Zagrebin dhe tanimë është trajner i përfaqësueses kuqezi të Nën-19-vjeçarëve, pjesa më e vështirë për korçarët vjen në sfidën e kthimit.
Skënderbeu ka marrë të enjten një barazim mjaft të vyer në Zagreb ndaj Dinamos vendase, në ndeshjen e parë të “play-off”-it të Ligës së Evropës, dhe për një njohje të vjetër të futbollit kroat, Erion Bogdanin, rezultati i korçarëve ishte historik.
Ndeshja e kthimit midis Skënderbeut dhe Dinamos së Zagrebit luhet të enjten e ardhshme në Stadiumin “Elbasan Arena”, duke nisur nga ora 20:00.
