ASNN – Të shtunën, Partizani i pret shkodranët në kryeqytet dhe trajneri i të kuqve, Arben Fagu, thekson se nuk lejohen më gabimet. Takimi Partizani-Vllaznia, i vlefshëm për javën e 10-t të Superligës së Basketbollit të Meshkujve, do të sillet për sportdashësit drejtpërdrejt nga Rrjeti i Radio-Televizionit Shqiptar, duke nisur nga ora 18:00.
Partizani e humbi ndeshjen e javës së 9-të në kryeqytet përballë Goga Basket dhe, duke i bërë një analizë të qetë, trajneri i të kuqve, Arben Fagu, ka zbuluar edhe shkaqe të çuan në atë humbje të dytë të sezonit. Duke folur për Rrjetin e Radio-Televizionit Shqiptar, Fagu thekson se kampionati është më i hapur se kurrë.
Përtej të qenit kundërshtar, trajneri i Partizanit shprehet i kënaqur për shenjat që Vllaznia ka dhënë për ringjallje këtë sezon. Të shtunën, Partizani i pret shkodranët në kryeqytet dhe ish-basketbollisti i të kuqve dhe Kombëtares thekson se nuk lejohen më gabimet.
